PROGRAMA BOLSA ESTUDU HUSI GOVERNU XINA 2023/2024

CHINESE GOVERNMENT SCHOLARSHIP 2023/2024

Ministério do Ensino Superior, Ciência e Cultura (MESCC) liu husi Fundo de Dezenvolvimento do Capital Humano (FDCH) informa ba publiku katak Governu Republika Popular China liu husi Chinese Government Scholarships (CGS) for Academic Years 2023/2024 oferese bolsu estudu kompletu ba Timor oan nain sanulu-resin ida (11) atu kontinua estudu iha Instituisaun ensinu superior ou akademia peskiza nian iha nasaun China, ho programa nivel Lisensiatura (S1), nivel Mestradu (S2), nivel Doutoramentu (S3), General Scholar Program no mos Senior scholar program.

KRITERIA ELIJIBILIDADE

• Tenki sidadaun Timorense
• Tenki iha kondisaun saúde (mental no fisiku) ne’ebé permite atu halo estudu iha rai li’ur
• Tenki iha maturidade no kapasidade atu halo moris independente iha rai li’ur
• La iha rejistu ba kazu kriminál ka ezekusaun sivíl husi tribunál kontra kandidatu
• Seidauk hetan bolsa husi governu Timor ka parseiru nasaun seluk (iha momentu mai aplika bolsa ida ne’e)
• Ba kandidatu ba programa:
  • Nivel Lisensiatura (tenki idade 25 mai kraik), remata ona ensinu sekundariu ka ekivalente
  • Nivel Mestradu (tenki idade 35 mai kraik), remata ona lisensiatura
  • Nivel Doutoramentu ( tenki idade 40 mai kraik), remata ona mestradu
  • General Scholar Program (tenki idade 45 mai kraik) kompleta ona tinan rua ba lisensiatura
  • Senior scholar program (tenki idade 50 mai kraik) iha ona titlu mestradu ou associate professor
• Ba kandidatu ba programa:
  • Nivel Lisensiatura, General Scholar Program no Senior scholar program tenke hetan ona Sertifikadu Lian China HSK Level 3 (Studying Chinese language are exempted)
  • Nivel Mestradu no Doutoramentu tenke hetan ona Sertifikadu Lian China HSK Level 4
• Priense rejekitus administrasaun tomak husi universidade nian mak hanesan iha kapasidade akademika, abilidade iha lingua no kriteria relevante sira.

DOKUMENTU APLIKASAUN

• Priense kompletu Formulariu Aplikasaun online Chinese Government Scholarship.
• Fotokopia pajina identifikasaun Passaporte RDTL validu no autentika orijinal husi Ministeriu Justisa. (Passaporte nia validade mak posterior husi dia 1 Marsu 2023).
• Fotokopia Diploma no Resume Kaderneta Ensinu Sekundariu nian, akompaña ho tradusaun iha lian Inglês (tenki legalizadu orijinal husi MEJD ba diploma ensinu sekundaria ne’ebe hetan ona akreditasaun), ba kandidatu ne’ebe atu aplika nivel Lisensiatura.
• Fotokopia Diploma no Transkrisaun Akademika, akompaña ho tradusaun iha lingua Inglês (tenki legalizadu orijinal husi MESCC ne’ebe hetan ona akreditasaun), ba kandidatu ne’ebe atu aplika nivel Mestradu no Doutoramentu.
• Fotokopia Sertifikadu kualifikasaun iha lian China HSK no lian Ingles IELTS ka TEOFL ka ekivalente (tenke validu)
• Ba kandidatu sira ne’ebe maka foti mestradu, doutoramentu ka senior scholar program presiza aneksa dokumentus admisaun, inklui Admision Notice, Pre-Admission Letter, Invitation from Professor, etc ); kandidatu sira ne’ebe iha ona dokumentus admisaun sei sai prioridade ba vaga bolsa ida ne’e.
• Hakerek Planu Estudu (Study Plan) iha lian Ingles (ba nivel lisensiatura minimu 200 palavras, ba non-degree minimu 500 palavras, no ba nivel mestradu no doutoramentu minimu 800 palavras).
• Ba kandidatu sira ne’ebe maka foti mestradu, doutoramentu ka senior scholar program presiza aneksa Karta Rekomendasaun rua (orijinal ka iha lian Ingles) husi professor ou assosiasaun professores.
• Kandidatu ne’ebe mak aplika ba area estudu Artes ka Dezeñu tenki hatama exemplu artes ka dokumentus supurta sira ka bele mos envia direta sira nia material artes ne’e ba universidade ne’ebe sira atu aplika ba.
• Kandidatu ne’ebe sei iha idade 18 mai kraik, tenke submete deklarasaun ”Authorization To The Guardian” no aneksa kartaun identidade husi enkaregadu legal ne’ebe hela iha China no autentika orijinal husi Ministeriu Justisa.
• Fotokopia Foreign Physical Examination Form ne’ebe taka ho fotografia koloridu ho medida 3×4 koloridu fundu ; formulariu ne’e tenke assinadu no tau karimbu oficial husi doutor/mediku husi HNGV.

Nota katak:

• Bainhira atu submete aplikasaun, tenke hatudu original Foreign Physical Examination Form ba UCAE-MESCC no aplikante tenke rai nia original no submete ba Embaixada bainhira liu ona selesaun faze primeiru.
• Foreign Physical Examination Form tenke aneksa ho Atestadu Mediku no resultadu analiza ka teste saude kompletu (Chest X-ray report, ECC, test report of AIDS, Syphilis, Hepatitis) husi HNGV ne’ebe validu fulan 6 ba oin.
• Fotografia 3×4 koloridu ne’ebe taka iha Foreign Physical Examination Form (pagina 1) tenke tau karimbu original HNGV. Tenke iha mos assinatura no karimbu oficial husi HNGV (pagina 2). Bainhira laiha karimbu original husi HNGV mak dokumentus konsidera invalidu.
• Foreign Physical Examination Form bele download iha http://tl.china-embassy.gov.cn/eng/xwdt/202209/P020220930567578841188.pdf
• Fotokopia Buletim Rejistu Kriminal (Non-Criminal Record Report) iha lian Inglês no autentika/notariadu orijinal husi Ministeriu Justisa
• Sertifikadu no Kartaun Vaksinasaun Covid-19
• Fotokopia Sertidaun RDTL iha lian Inglês no autentika/notariadu orijinal husi Ministeriu Justisa.
• Fotokopia Kartaun Eleitoral no Billete Identidade aplikante nian
• Fotokopia Kartaun Eleitoral inan-aman husi aplikante
• Deklarasaun komprimisiu kandidatura nian katak la ativu bolsa ka manan ona vaga bolsa estudu ruma husi parseiru ruma no devidamente kandidatu rasik mak assina.

PROSESU KANDIDATURA

• Atu hatene informasaun klaru bele visita:
• Website oficial ”CSC Study in China” http://www.campuschina.org/
• Website oficial Embaixada China iha Timor Leste : http://tl.china-embassy.gov.cn/eng/xwdt/202209/t20220930_10775380.htm
• Bele mos mai diretamente hare iha kuadru avizu ka parte informasaun iha FDCH iha Edifício 5. 1º Andar, Palácio do Governo, Dili, Timor-Leste
• Presiza halo rejistu naran iha FDCH ho maneira klik link https://forms.gle/XFDrNs4tAFzH1p3bA hodi bele rejistu online iha FDCH hodi bele join iha grupu WhatsApp Atendementu ”Chinese Government Scholarship 2023/2024”
• Bolsu estudu ne’e sei halo Registrasaun online deit iha http://www.campuschina.org/

Nota:

• Dokumentus hotu tenke scan/dijitaliza ho momos, autentika no validu.
• Sujere ba kandidatu sira atu utiliza profesional device (makina scanner nebe kualidade) hodi bele dijitaliza dokumentus relevantes sira hotu (numeru 2-12).
• Kandidatu rasik mak sei simu nia konsekuensia bainhira upload dokumentus nebe mak la mos ka labele identifikadu iha sistema upload dokumentus iha aplikasaun online nian.
• Bainhira kandidatu halo ona aplikasaun online, mak kandidatu sei hetan file pdf Formulariu Aplikasaun online Chinese Government Scholarship (dokumentus numeru 1) aneksa ho dokumentus hotu husi numeru 2-17 tau iha envelope A4 (original exemplar 1 deit. Dokumentus tenki ordenadu tuir numeru kriterius (husi numeru 1-17).
• Data atu hatama aplikasaun maka dia 19 – 29 Dezembru 2022 oras tuku 17:00 OTL iha Unidade Planeamento Parseria no Kooperasaun (UPPC-MESCC), iha Avenida Marginal nú 4 Colmera, Dili, Timor-Leste.
• Bele klik mos link https://forms.gle/w2nZZ68EZGfAbH9b9 hodi priense lista devolusaun dokumentus aplikasaun nian iha FDCH no check-list ba dokumentus sira hotu.
• FDCH sei la simu kandidatu ne’ebe submete tarde dokumentus aplikasaun konforme data final (29 Dezembru 2022)
• FDCH mos sei rekomenda deit kandidatu ne’ebe submete dokumentus aplikasaun kompletu (kriteria husi numeru 1 – 17) ba Embaixada China iha 6 Janeiru 2023 hodi kontinua selesaun kandidatu ba faze entrevista nian.
• Formulariu aplikasaun no dokumentus kriterius ne’ebe submete ona, mak la kompletu, laiha karimbu oficial, la legaliza/la notariadu ka la autentika ka iha falsifikasaun ruma iha dokumentus, automatikamente sei la konsidera (ka invalidu).

Ba ita boot sira nia atensaun ami hato’o, obrigado Wain

Dili, 15 Dezembru 2022

Related Post :