Díli, Bolseiru sira Veteranu no kombatente libertasaun nasionál nian oan ne’ebé hetan bolsa estudu husi Fundo de Desenvolvimento do Capital Humano (FDCH) hamutuk na’in 42 hodi ba hala’o sira nia estudu iha Institute of Tecnology Surabaya-Indonézia, na’in 17 hetantan graduasaun ho nivel lisensiatura iha Institute of Tecnology Surabaya-Indonézia, iha loron 24-25 setembru 2022.
Bolseriu graduados hirak ne’e hala’o sira nia estudu iha area enjeñaria elektrika (Teknik Elektro) na’in 1 , ejeñaria transporte maritíma (Teknik Transportasi laut) na’in 2, enjeñaria jeofísika (Teknik Geofisika) na’in 4, enjeñaria ba sistema industria (Teknik sistem dan Industri) na’in 3, Arquitetura Naval (Teknik perkapalan)na’in 4 no enejeñaria ambiental (teknik linkungan) na’in 3.
Bolseiru hirak ne’e kontinua sira nia estudu iha Suarabaya-Indonézia hahú husi tinan 2017 hamutuk 42 ne’ebé hala’o sira nia estudu iha area enjeñaria iha ITS Surabaya ho nivel estudu lisensiatura (S1).
Husi bolseiru na’in 42 ne’ebé maka hala’o estudu iha Institut Teknologi Sepuluh Nopember Surabaya (ITS)-Indonézia nian hahú gradua dahuluk iha tinan 2021 na’in rua (2), iha tinan 2022 iha fulan Marsu bolseiru na’in 11 no iha fulan setembru 2022 ne’e graduatan bolseiru na’in 17. Ho nune’e bolseiru ne’ebé gradua ona iha ITS hamutuk bolseiru na’in 30.(Média_FDCH)

Related Post :


Total Viewer : 590 Views || Category: Notisia