DÍLI-09/09/2018, Comitê de Avaliação Proposta e Subsidio (CAPS), Fundo de Desenvolimento do Capital Humano halo diskusaun hodi hato’o paresér aprovasaun ba propostas subsídiu individuias hamutuk 12 ne’ebé estudante finalistas hosi universidade sira hatama mai iha Sekretariadu  Tékniku Fundo de Desenvolvimento do Capital Humano, hodi husu apoiu finanseiru atu finalize sira ninia estudu iha nivel  lisensiatura no mestradu.

Enkontru CAPS ne’e dirije direita hosi Secretário Executivo do FDCH Sr. Isménio Martins da Silva ne’ebé nu’udar Prezidente ba CAPS ho ninia membru na’in lima (5)ne’ebé hosi koordenadóres iha gabinete FDCH nian hanesan, Koordenadora Gabinete da Administração,  Finanças e Recursos Humanos Internos GAFRHI,  Sra. Leila Carceres,  koordenadór Gabinete do Plano Pesquisa, Fiscalização e Verficação GAPPEFIV, Sr. Filomeno dos Santos Lay, Koordenadór Gabinete  dos Servicos dos Pagamentos  GASEPA, Sr. Aderito Soares, Koordenador Gabinete de Gestão e Sistema de Informação GAGESI Sr. Henrique do Rosário  no koordenadór Gabinete do Aprovisionamento e Logistica GAPLO Sr. Eugebio  Bareto.

Durante trimestre III Proposta individuais ne’ebé prienxe kritéria hodi aprezenta ba ba CAPS hamutuk 13 hosi proposta ne’e 11 aprova, 1 aprova ho kondisionál no 1 rejeita tanba proponete hetan ona  apoiu hosi FDCH.

Entretantu proposta apoiu finanseiru ba estudu no proposta husu atu hetan bolsa parsial iha trimestre III hosi fulan Jullu- Setembru proponente sira hatama mai Sekretariadu Tékniku FDCH hamutuk 67, hosi númeru proposta ne’e submete ba CAPS hamutuk 13 tanba prienxe kriteria no rekejitus ne’ebé iha, enkuantu proposta 54 seluk dokumentus balun seidauk kompletu nune’e ekipa sei kontinua kontaktu proponent sira atu kompleta sira niania dokumentu hodi submete ba CAPS iha trimestre ikus tinan ne’e nian.

Kriteria jerais atu aplika ba subsídiu individuais tenki kompleta dokumentus hotu-hotu ne’ebé fó sai hosi Sekretariadu Tékniku FDCH. Apoiu subsídiu ne’e sei fó dala ida de’it ba estudante ida dala ida wainhira hetan rekomendasaun hosi Comité Avaliasaun Proposta Subsídios (CAPS) hodi elabora no hato’o pareser ba CA-FDCH haktuir Artigu 11o ponto 3o iha Diploma Ministerial no 11/2011, 13 de Abril.

Kompozisaun ba CAPS husi Secretário Executivo do FDCH ne’ebé  prezidi, membrus mak Koordenadores iha Sekretariadu Tékniku FDCH nian, hanesan: GAPPEFIV, GAFRHI, GASEPA, GAPLO no GAGESI. Enkuantu informasaun kona-ba kriterius ba apoiu subsidiu individuais nian fó sai iha buletin FDCH, website no fanpage FDCH. (Media FDCH)

Related Post :


Total Viewer : 3090 Views || Category: Notisia