Dili, 6 Janeiru 2023. Sekretáriadu Tékniku Fundo de Desenvolvimento do Capital Humano realiza enkontru Avaliasaun servisu 2022 no aprezenta planu trimestre dahuluk (Janeiru-Marsu 2023), iha salaun Novo Turismo, Lecidere.
Objetivu hosi enkontru ne’e atu halo evaluasaun ba dezafiu ka osbtákulo ne’ebé kada Diresaun Nasionál enfrenta iha tinan 2022, no aprezenta planu servisu diresaun ida-idak ba trimestre dahuluk janeiru-marsu tinan2023.
Enkontru avaliasaun anual ne’e dirije hosi Diretór Ezekutivu FDCH, Dr. Cristovão Dos Reis, iha ninia intervensaun husu ba funsionáriu hot-hotu iha ST-FDCH, atu kontinua servisu iha ekipa no harmoniza servisu hotu-hotu entre Diresaun nasionál lima ne’ebé ohin loron ejiste iha FDCH nune’e bele atinje metas no ezekusaun orsamentu tuir planu no programa ne’ebé ajusta ona iha orsamentu livru 6 FDCH nian iha tinan 2023.
Durante enkontru Diretór Nasionál kada diresaun iha ST FDCH halo aprezentasaun kona-ba progresu servisu sira ne’ebé atinje ona, planu servisu primeiru trimestre 2023 nian no aprezenta mós dezafiu no obstaklu sira ne’ebé diresaun ida-idak enfrenta iha 2022. (Média-FDCH)
