DÍLI, 09 Agostu 2022. Konsellu Administrasaun Fundo de Desenvolvimento do Capital Humano (CA-FDCH- sigla Portugues) realiza enkontru Konsellu Administrasaun ba dala 22 no ba dala tolu (3) iha mandatu VIII Governu Konstitusionál nian, iha sala reuniaun JL Vila, Aimutin.

Enkontru CA-FDCH ne’e prezide husi sua exelensia Ministru Ensinu Superiór, Siénsia no Kultura (MESCC) ne’ebé nu’udar Prezidente CA-FDCH, Sr. Longuinhos dos Santos no marka mós prezensa husi membru permanente CA-FDCH nian hanesan, Sua Exelensia Ministru Petróleu no Minerais (MPM), Sr. Víctor da Conceição Soares, no Sekretáriu Estadu Formasaun Profisionál no Empregu (SEFOPE) Sr. Alarico de Rosario.

Enkontru CA-FDCH ne’e, hahú ho aprezentasaun husi Diretór Ezekutivu FDCH, Dr. Cristovão dos Reis kona-bá taxa ezekusaun Orsamentu Jerál Estadu (OJE) 2022-Livru -6 hahú husi Janeiru-Jullu tuir programa kada instituisaun governu no estadu sira ne’ebé akredita mai FDCH, no aprezenta mós ba CA-FDCH tetu orsamentu FDCH 2023.

Hafoin aprezenta prezidente ho membru CA-FDCH sira halo analiza no aprovasaun ba tetu Orsamentu Jerál Estadu (OJE) 2023- Livru 6 FDCH nian ho montante $ 17.7 miloens tuir pakote fiscal ne’ebé atribui husi Ministériu Finansas mai FDCH hodi finansia programa sira FDCH nian iha tinan 2022.

Prezidente CA-FDCH ho membru sira halo mós aprovasaun ba atualizasaun tabela orsamentu kona-bá pedidu apoiu individuiais ba estudante universitariu sira iha rai-laran no rai-li’ur, valor bolseiru sira iha Portugal.

Aprova mós dokumentu Estudu no Avaliasaun ba rezultadu programa FDCH nian durante periodu 2015-2020 ne’ebé FDCH realiza ho kooperasaun Instituto Nacional Ciência e Tecnologia (INCT).

Aleinde halo aprovasaun no apresiasaun ba ezekusaun programa sira CA-FDCH halo mós diskusaun kona-bá kanselamentu bolsa estudu ba Benefisiariu sira hahú husi periodu 2011- 2021.

Partisipa mós iha enkontru ne’e Koordenadores, Asesor sira no kargu xefia sira husi ST-FDCH, II Vise Prezidente INCT, Diretór Rekursu Umanus MPM, diretór jerál no ekipa husi SEFOPE, Asesór husi MESCC, Asesór husi Ministériu Finansas no ekipa tékniku sira.(Média_FDCH)

Related Post :


Total Viewer : 127 Views || Category: Notisia