Díli, 30/09/2020, Cordenador Gabinete do Sistema e Gestão de Informação (GAGESI) Sr. Henrique do Rosário reprezenta Diretora Ezekutiva Fundo de Desenvolvimento do Capital Humano (FDCH) partisipa iha serimónia aprezentasaun relatóriu estájiu final  no  entrega sertifikadu ba estajiáriu na’in rua (2) ne’ebé integra iha programa Estájiu Profisionál durante fulan neen (6) iha Instituto Petroleo e Geolojia (IPG) .

Durante aprezentasaun, estajiariu sira aprezenta rezultadu peskiza ne’ebé sira hala’o hanesan halo peskiza ba  mapeamentu Jeologia Munisipiu Manatuto nian  ne’ebé sira hala’o durante sira ninia estájiu.

Partisipa iha atividade aprezentasaun  ne’e Prezidente IPG Sr.  Gabriel Gaspar Aparicio de Oliveira ho ninia estrutura nomós dirjente no funsionáriu sira IPG nian.

Estajiáriu na’in rua ne’e nudár benefisiariu ba programa bolsa estudu FDCH nian iha area Jeologia no termina ona estudu iha nasaun Indonézia.

Programa Estájiu Profisionál ne’e rasik organiza husi FDCH hodi koloka bolseiru graduadu sira ba estájiu iha instituisaun sira ne’ebé relevánsia ho sira ninia estudu no sai mós hanesan faze ida hodi lori benefisiariu sira bele manán esperiénsia servisu hafoin termina tiha sira nia estudu.  (Média­_FDCH)

Related Post :


Total Viewer : 1381 Views || Category: Notisia