Vila Real, 30 Novembru 2022. Diretór Ezekutivu Fundo de Desenvolvimento do Capital Humano (FDCH), Dr. Cristóvão dos Reis kontinua asina akordu kooperasaun ho Reitor da Universidade de Trás-os-Montes e Alto Douro (UTAD), Prof. Doutor Emídio Ferreira dos Santos Gomes iha Salaun Reitoria.
Objetivu prinsipal husi asina akordu kooperasaun ne’e ma’ak atu regula relasaun bilateral entre FDCH ho UTAD ba ezekusaun programa bolsa estudu ida diak ba kapasitasaun rekursu umanus adekuadus iha Timor-Leste no promosaun relasaun ne’ebé bele benefisia estudante Timor oan no estudante UTAD hahú husi agora ba futuru.
Partisipasaun iha serimónia asina akordu kooperasaun ne’e Koordenadora Programa Bolsa Estudu ST-FDCH, Sra. Suzana Mendonça no Xefe Departamentu Rekursus Umanus FDCH, Sr. Virgilio Ramos da Costa.