DILI,4/9/2017 (FDCH) Ministériu do Planeamentu e Investimentu Estratégiku (MPIE) liuhosi Secretariado Técnico do Fundo de Desenvolvimento do Capital Humano (FDCH ) asina kontratu ho kompañia 19 selesionadu hafoin kompete iha tenderizasaun ne’ebé fó sai hosi Aprovizionamentu FDCH liuhosi públikasaun avizu iha fulan Juñu 2017.
Kontratu ne’e asina direita hosi Secretário Executivo FDCH Sr. Isménio Martins da Silva no akompaña hosi Coordeandor Gabinete Aprovizionamentu e Lojistika FDCH Sr. Eusebio A.G.G. Barreto ho Xefe Departamentu Aprovizionamentu FDCH Sr. Domingos Fernandes.
Hosi kompañia 19 ne’ebé asina ona kontratu ho FDCH sei halo serbisu iha área tolu ketak-ketak hanesan: Kompañia hamutuk 7 sei fornese materiál eskritóriu/ATK/stationary ba FDCH no Liña Ministériais sira, kompañia 5 sei fornese alimentasaun (Cattering) ba FDCH no liña Ministeriais, kompañia 6 sei fornese billete aviaun ba FDCH no Liña Ministeriais no kompañia 1 sei halo manutensaun ba AC no Eletrisidade ba FDCH.
Tuir kontratu ne’ebé estabelese kompañia hirak ne’e sei serbisu hamutuk ho Secretariado Técnico-FDCH hodi halo fornesimentu no manutensaun durante tinan ida hahú hosi data asina kontratu ninian.(Media FDCH)