Díli, 26 Agosto 2021, Diretór Ezekutivu Fundo de Desenvolvimento do Capital Humano (FDCH-MESCC) Sr. Hermenegildo da Silva entrega bolseiru programa Bolsa Hakbi’it hamutuk na’in 20 ba East Timor Coffee Institute (ETCI).
Serimónia entrega bolseiru no asina kontratu ho simbolikamente iha edifisiu FDCH ne’e asina direita husi Diretór Ezekutivu FDCH ho bolseiru sira no hetan vistu nu’udar testemuña husi Magnifiku Reitór ETCI Sr. Lucio Marcal Gomes.
Bolseiru programa bolsa hakbi’it na’in 20 ne’e sei hala’o sira ninia estudu iha ETCI Ermera ho nivel estudu Lisensiatura (S1) iha Fakuldade Agrikultura, Departamentu Jestaun Komersiu Agrikola ho bolseiru na’in 10 no Fakuldade Edukasaun departamentu Biolojia ho Matematika bolseiru na’in 10.Partisipa iha serimónia entrega bolseiru no asina kontratu ho instituisaun ensinu superior sira ba dala ikus nian ne’e, Koordenadór GAPLO -FDCH Sr. Eusebio A.G. Barreto no ekipa téknika husi ST-FDCH. (Média_FDCH)