Díli, 19 Agostu 2021, Diretór Ezekutivu Fundo de Desenvolvimento do Capital Humano (FDCH-MESCC) Sr. Hemenegildo da Silva, iha parte dader ne’e asina kontratu no entrega bolseiru programa bolsa Hakbi’it hamutuk na’in 50 hodi hala’o estudu iha Instituto Superior Cristal (ISC), serimónia ne’e realiza iha Edifisiu ISC Balide.

Bolseiru na’in 50 ne’e sei hala’o estudu iha ISC, iha área sira hanesan edukasaun ho bolseru na’in 20 no iha area Medisina bolseiru na’in 30 ho nivel estudu hahú husi Diploma III (D3) to’o Lisensiatura ( S1).

Kontratu ne’e asina direita husi Diretór Ezekutivu FDCH ho bolseiru sira no hetan vistu nu’udar testemuña husi Magnifiku Reitór ISC Dr. Sebastião Pereira.

Partisipa iha serimónia ne’e Prezidente Fundasaun ISC Dr.Agostinho dos Santos ho Vise Reitór sira ISC nian, Koordenadora GAFRHI-FDCH Sra. Josefina Goncalves do Nascimento no ekipa teknika husi ST-FDCH. (Média_FDCH)

Related Post :

  • S.E. Ministru Planeamentu no Investimentu Estratéjiku Realiza Enkontru Jerál ho ST-FDCH
  • Funsionáriu Públiku Na’in 250 Tuir Kursu Obrigatóriu
  • FDCH Asina Kontratu no Entrega Bolseiru Bolsa Hakbi’iit ba UNPAZ
  • Konsellu Administrasaun ba FDCH Aprova Planu Asaun Anuál no Programa Diretór Ezekutivu
  • SEAKLN Sei Fornese Lista Veteranus no Sobreviventes ba FDCH

    • Total Viewer : 760 Views || Category: Notisia