Díli, 24 Agostu 2021, Diretor Ezekutivu Fundo de Desenvolvimento do Capital Humano (FDCH-MESCC) Sr. Hermenegildo da Silva kontinua asina kontratu no entrega bolseiru Programa Bolsa Hakbi’it hamutuk na’in 35 ba Universidade Oriental de Timor Lorosa’e (UNITAL).

Kontratu ne’e asina direita husi Diretór Ezekutivu FDCH ho bolseiru sira no hetan vistu nu’udar testemuña husi magnifiku Reitor UNITAL Sr.Florindo Pereira iha salaun UNITAL,Becora Dili.

Bolseiru na’in 35 ne’e sei hala’o estudu iha área sira hanesan Engenaria Civil nain 10 iha nivel estudu licensiatura,saúde análista clinicas laboratoriais nain 10 iha nivel estudu bacharelatu,saúde ciensias de nutrição nain 10 iha nivel bacharelato,no saúde enfermagem nain 5 iha nivel estudu licensiatura.

Partisipa iha serimónia asina kontratu no entrega bolseiru sira programa Bolsa Hakbi’it ba UNITAL ne’e, Koordenadór do Gabinete do Gestão e Sistema de Informação (GAGESI-FDCH) Sr. Henrique do Rosario, Koordenadora Unidade de Coordenação de Apoio aos Estudantes (UCAE-MESCC) Sra. Amelia da Silva de Araujo, Estrutura no Dosente UNITAL no Ekipa Teknika, ST-FDCH._(Media_FDCH)