DÍLI, 17/05/2021, Fundo de Desenvolvimentuo do Capital Humano (FDCH) asina Memorandum Entendimentu ho reitor sira husi instituisaun ensinu superior públiku no privadu ba implementasaun programa bolsa estudu Hakbi’it ne’ebé atribui ba família kbi’it laek sira hodi asesu ba hala’o estudu iha banku ensinu superior iha rai-laran.
Memorandum Entendimentu ne’e asina husi Diretora Ezekutiva FDCH, Sra. Leila Carceres dos Santos ho reitór sira ne’ebé hetan vistu direita husi Ministru Ensinu Superior Ciência e Cultura MESCC, nu’udar Prezidente Konsellu Administrasaun FDCH S.E. Sr. Longuinhos dos Santos.
Instituisaun ensinu superior ne’ebé simu bolseiru FDCH iha programa Bolsa Hakbi’it hodi hala’o estudu mak hanesan Universidade Nacional Timor Lorosa’e (UNTL) ho Institutu Politecnico Betano (IPB) nu’udar instituisaun esnisu superior públiku ne’ebé akumula bolseiru hamutuk na’in 500 no ba Instituisaun ensinu superior privadu sira ho bolseiru hamutuk 410, hanesan, Universidade da Paz (UNPAZ) bolseiru hamutuk 40, Universidade Dili (UNDIL) bolseiru 40, Institute of Business (IOB) bolseiru 50, Dili Institute of Technology (DIT) bolseiru 50, Universidade Oriental Timor Lorosa’e (UNITAL) bolseiru 35, Instituto Catolico para Formação Professores (ICFP) bolsieru 30, Instituto São João de Brito (ISJB) bolseiru 30,Instituto Profissional de Canosa (IPDC) bolsieru 20, East Timor Coffe Institute (ETCI) bolseiru 20, Instituto Profissional de Canosa (IPDC) bolseiru 20, Instituto Ciência da Saude Dili (ICS) bolseiru 20, João Saldanha Institute (JSI) bolseiru 15 no Instituto Boaventura Timor-Leste bolseiru 5.
Ekipa tékniku ne’ebé forma husi Sekretariadu Tékniku- FDCH servisu hamutuk ho MESCC, Ministériu Edukasaun, Juventude no Desportu (MEJD) no Ministériu Solidariedade Sosiál (MSSI) iha Munisipiu sira hahú ona halo inskrisaun ba kandidatu bolseiru sira ne’ebé atu asesu ba hala’o sira ninia estudu iha banku ensinu superior. (Média_FDCH)