Diretór Ezekutivu CNC Sr. Hugu Maria Fernandes hatete tinan-tinan CNC rejista númeru vítima sobrevivente pasadu ne’ebé ho kondisaun vulneravel kuaze 8.000 tanba ne’e husu atu iha kooperasaun ida ho FDCH hodi bele enkaisa mós sobrevivente sira nia oan ba iha programa bolsa estudu Hakbi’it ne’ebé ohin loron FDCH atribui ba família sira kbi’it laek atu asesu ba ensinu superior iha rai-laran.

Hatán ba kestaun ne’e Diretora Ezekutiva FDCH Sra. Leila Carceres hatete, FDCH nakloke ba kooperasaun ho instituisaun hotu no kona bá bolsa ba vítima subrevivente nia oan sira nia parte sei hato’o Prezidente Konsellu Adminstrasaun FDCH maibé husu mós ba CNC atu halo proposta formal ida hodi dirije ba Prezidente Konsellu Administrasaun FDCH no kópia mós mai iha FDCH nune’e bele aprezenta iha enkontru konsellu Administrasaun hodi aprova molok atu implementa.

Iha soru-mutu ne’e Diretór Ezekutivu CNC entrega mós dokumentu hanesan livru istóriku ne’ebé CNC prodús hodi konserva memória pasadu ba Diretora Ezekutiva FDCH. (Média_FDCH)