DÍLI, 2/10/2018. Fundo de Desenvolvimento do Capital Humano (FDCH) realiza enkontru ida ho Sekretáriu Jeral, Diretor Jeral Servisu Koorporativus, Planeamentu, Jestaun no Pontu Fokal hosi Liñas Ministeriais (LMs) no instituisaun autónoma estadu sira ne’ebé akreditadu ona iha FDCH hodi diskute kona-ba alokasaun orsamentu ba tinan 2019 nian, enkontru ne’e hala’o iha salaun Knowledge Center FDCH.
Objetivu hosi enkontru ne’e mak atu halo koordenasaun no rona diretamente hosi LMs, kona-bá sira nia montante orsamentu ba programa sira hanesan Formasaun Profisionál, Formasaun Téknika, Bolsu Estudo no Tipu Formasaun Seluk ho mós benefisiárius ba programa hirak ne’e hodi aposta ho Formuláriu Planu Atividade no Orsamentu (FPAO) ne’ebé submete ona mai iha Sekretariadu Tékniku Fundo de Desenvolvimentu do Capital Humano (ST-FDCH), atu nune’e bele determina pakote orsamentu tuir projesaun orsamentu bá tinan 2019 ne’ebé mínimu liu kompara ho tinan hirak anterior.
Iha introdusaun Sekretáriu Ezekutivu FDCH Sr. Isménio Martins da Silva hatete aprovasaun pakote fiskal OJE tinan 2019 hosi Ministério das Finanças (MdF) bá ST-FDCH ho montante $ 20 milloens nune’e ST-FDCH konvida LMs no instituisaun autónoma sira ne’ebé akreditadu atu mai aposta sira idak idak ninia progama no orsamentu ba tinan 2019.
Durante enkontru koordenadór sira hosi GAGESI, GAPPEFIV no GASEPA halo mós aprezentasaun progessu no relatóriu balun relasiona ho programa dezenvolvimentu rekursu umanu durante periódu 2011-2018 mak hanesan; Sumáriu Jerál Benefisiárius Tuir Típus Programa iha FDCH, Taxa Ezekusaun 2018 LMs durante periodu duodecimo (Janeiru-Setembru 2018) no Sumáriu Jerál Orsamentu FDCH.
Entretantu atu garante implementasaun programa sira la’o ho diak, Sekretáriu Ezekutivu FDCH husu mós ba Sekretáriu Jeral, Diretor Jeral Servisu Koorporativus, Planeamentu, Jestaun no Pontu Fokal atu halo koordenasaun no informa mós programa formasaun no bolsa estudu ba na’i ulun ministériu nian molok atu hatama proposta mai iha FDCH.
“Ba oin ita boot sira presiza koordena uluk ho Ministru ka Sekretáriu Estadu relevante kona-bá konteúdu proposta molok submete mai iha FDCH atu nune’e sira mo’os bele apar hó programa hirak ne’e”. Dehan lideransa FDCH ne’e durante enkontru nia-laran.
Enkontru ne’e remata ho entrega programa hosi LMs no orgaun autónomu sira ba FDCH atu ajusta tuir neseidade no prioridade ne’ebé termina ona tuir giaun ne’ebé iha.
Partisipante sira iha enkontru ne’e hamutuk 122 ne’ebé kompostu hosi Sekretáriu Jeral, Diretor Jeral Servisu Koorporativus, Planeamentu, Jestaun no Pontu Fokal hosi Liña Ministérial no Instituisaun Autónomos sira.
Iha tinan 2019 Sekretariadu Tékniku Fundo de Desenvolvimentu do Capital Humano sei akredita LMs no instituisaun autonomo Estadu nian hamutuk 52.(Média FDCH)