Lautem , 20/3/2018 Secretáriado Técnico Fundo de Desenvolvimento do Capital Humano (FDCH) hala’o workshop ida kona-ba Programa konsultasaun  ba area Potensialidade no Prioridade ba Desenvovimentu rekursus Umanus iha Munisipiu Lautem.

Objetivu hosi workshop ne’e atu aprezenta fila fali relatóriu Levantamentu Dadus Rekursus Humanus (LDRH)  Munisipiu Lautem nian ne’ebé FDCH rekolla ona iha tinan rua liu ba  nomós halo diskusaun  gropus ba potensilidade, programa prioridade ba desenvolvimentu Rekursus Umanus.

Workshop ne’e abertura hosi Administradór Munisipiu Lautem Sr. Zeferino Sequira husu atu FDCH habelar ninia programa ba munisipiu nune’e bele responde ba polítika desentralizasaun.

“Secretariado FDCH tenke aloka fundu ne’e ba Munisipiu hotu. Nune’e, hodi  bele responden ba politika desentralizasaun, la’ós de’it ba nasional maibe  ema hotu iha oportunidade hanesan hodi hetan asesu ba finanseiru husi FDCH,” dehan Zeferino Sequira.

Hafoin loke worskhop ne’e ekipa 13 ne’ebé forma hosi FDCH ho Programa Nasional Desenvolvimento Suku (PNDS) ne’ebé toutela iha Ministeriu Administrasaun Estatal (MAE) halo kedas aprezentasaun kona-ba dadus rekursus umanu ne’ebé ohin loron FDCH rekolla ona.

Entretantu remata tiha aprezentasaun tama kedas ba diskusaun grupu hosi partisipante sira atu identifika no fó sira ninia paresér ba dezenvolvimentu rekursus umanus ne’ebé pertinente atu dezenvolve iha munisipiu ne’e.

Partisipantes ba  workshop ne’e ema na’in 31 ne’ebé mak  mai husi  direitores servisu administrasaun setores, Administrador Postu sira, ONG’s, Reprezentantes Juventude, Camara Comericio Industria, Direitores Delegasaun Territorial, nomós funsionarius Servisu Administrasaun Munisipiu. (Media FDCH)

Related Post :


Total Viewer : 2039 Views || Category: Notisia