DILI, 8/11/2017 Secretário Executivo Interinu Fundo de Desenvolvimento do Capital Humano FDCH,  Sr,  Filomeno R. D. S.Lay   akompaña hosi Coordenadora Gabinete do Serviços de Pagamento GASEPA Sra, Alcina Madeira halo aprezentasaun servisu FDCH no ezekusaun orsamentu iha área formasaun  Ministériu Justisa  (MJ) nian ba Diretór Jerál, Diretór Nasionais no Diretór Munisípiu sira.

Aprezentasaun ne’e hala’o iha salaun Centro Formação Jurídica Caicoli bainhira diretór sira partisipa hela iha workshop ho tópiku avaliasaun do relatóriu das atividades do desempenho e do progreso do aprovisionamento dos primeiro nove meses do ano de 2017 e discussaun do plano de ação annual do Ministerio da Justica para 2018.

Iha aprezentasaun Secretario Executivo interinu FDCH Sr. Filomeno Lay halo esplikasaun kona-ba servisu FDCH ninian liu-liu kona-ba programa prinsipál haat ne’ebé FDCH iha ohin loron hanesan programa Formasaun Profísionál, Formasaun Tékniku, Bolsa Estudu no Outros Tipos formasaun inklui servisu ne’ebé FDCH hala’o bazeia ba liveru 6 Orsamentu Gerál do Estado ninian.

Secretário Executivo interinu ne’e informa mós kona-ba membru akreditadu sira iha FDCH ne’ebé ohin loron hamutuk 37 liñas Ministerias inklu mós Ministériu Justisa nune’e orsamentu ministériu ne’e nian iha área formasaun ba tinan ne’e iha FDCH hamutuk   $1,685,588 .

“Ami mós hakarak aprezenta katak Ministériu Justisa tinan ida ne’e nia orsamentu   $1,685,588  ezekusaun ninian to’o ona 67 porsentu, orsamentu balansu 550,352.62,”  hateten Sr. Filomeno iha ninia aprezentasaun.

Entretantu Coordenadora Gabinete Sistema no Pagamento (GASEPA) Sra , Alcina Madeira hateten prosediemtu kona-ba FDCH hahú kedas iha 2011, Ministériu Justisa la’ós Ministériu foun ne’ebé akredita iha FDCH , maibé iha problema uitoan ne’ebé akontese iha ministériu Justisa tanba diresaun barak tebes no kada diresaun sira ninia pontu fokál la apár asuntu ho didi’ak.

“Ha’u fó ezemplu pagamentu, pontu fokál hosi admistrasaun nian la hamutuk ho pontu fokál hosi sentru nian, wainhira ho pedidu ruma ita devolve, ita presiza husu pontu fokál ida ne’e ninian ba ida ne’ebé, tanba  kontaktu  ne’ebé  ami kontaktu ba hosi sentru ninian la dehan katak sentru haree ba  sentru nian de’it la haree ba administrasaun  nian, tanba  ne’e  dala ruma ita la hatene check list ne’ebé  ita fahe  ona sira hato’o ba superior sira ka lae tanba pedidu pagamentu ne’e superior sira mak asina signifika superior sira presiza haree mós ba ida ne’e,”dehan Coordenadora ne’e.

Coordenadora ne’e akresenta katak prosedimentu hotu-hotu iha ona, bele haree iha dekretu lei kona-ba formasaun no pagamentu sira sekretáriadu FDCH la halo mesak maibé bazeia ba regras Ministériu Finansas.

Husu mós atu haree planu Ministériu Justisa nian ne’ebé tinan-tinan submete ba FDCH no belele iha enkontru regular ida entre diresaun sira atu haree ba diresaun ne’ebé la ezekuta ninia orsamentu bele fó ona ba diresaun seluk ne’ebé presiza formasaun.

Ministériu presiza haree nia planu halo didi’ak, FDCH  prontu fasilita servisu, maibé depende ba planu, se planu di’ak ezekusaun sei la’o di’ak.

Durante diskusaun diretór sira apresia ho servisu ne’ebé iha maibé kontinua preokupa ho sistema sira ne’ebé iha liu-liu iha area formasaun no regra pagamentu sira. Tanba ne’e importante tebes atu hadi’a liután kolaborasaun servisu hodi bele fó benefísiu ba funsionáriu sira. (Media FDCH)

Related Post :


Total Viewer : 1017 Views || Category: Notisia