Surabaya, 11/12/2017 FDCH, Iha loron 8/12/2017 Ekipa monitoziasaun hosi Fundo de Desenvolvimento do Capital Humano ne’ebé lidera hosi Sra. Leila Carceres arranka hosi Dili ba Indonézia hodi halo monitorizasaun ba progresu estudu bolseiru sira FDCH nian ne’ebé mai hosi Combatentes no Veteranus nian oan hamutuk na’in 52.
Bolseiru hirak ne’e na’in 42 hala’o sira ninia estudu iha area enjenaria iha Institut Teknologi Sepuluh Nopember Surabya no na’in 10 seluk hala’o sira ninia estudu iha área medisina Veterinaria nian iha Universidade Udayana Bali.
Durante monitorizasaun hetan mós akompañamentu hosi Adida Edukasaun Timor-Leste ba Indonézia Sr. Ligia Coreia ho ninia asistente ne’ebé akompaña ekipa monitoriazaun hodi halo diskusaun direita ho parte universidade no estudante sira.
Xefe ekipa ba monitorizasaun Leila M.L. Carceres hateten monitorizasaun ba estudu bolseiru FDCH nian ne’e foin hala’o dala uluk hafoin bolseiru sira komesa tiha sira ninia estudu besik tinan ida iha universidade ITS Surabaya no Udayana Bali.
“Programa monitorizasaun ida ne’e primeiravez hala’o hosi FDCH ba bolseiru FDCH kombatenetes no veteranus nia oan sira hamutuk na’in 52 ne’ebé na’in 42 iha ITS Surabaya no 10 iha Udayana Dempasar,” dehan xefe ekipa Leila M.L. Carceres.
Programa monitorizasaun ne’e realiza ho objetivu atu haree bolseiru sira ninia progresu akadémiku no atu haaree saida mak bolseiru sira enfrenta hahú hosi sira komesa sira ninia estudu to’o mai fulan Dezembru ne’e, iha ne’ebá mós atu identifika mós apoiu extra saida mak ita atu fó ba sira.
Durante monitorizasaun deteta dezafiu ne’ebé bolsieru sira enfrenta mak lingua Indonézia tanba durante ne’e estudante sira simu matéria hahú hosi sira nia estudu iha eskola primária mai to’o iha sekundáriu ho lian Portuges, alende lingua matéria sira hanesan matemátika, fízika báziku no aplikasaun seluk ne’ebé uza ba dezeñu mak sei sai mós dezafiu.
Monitorizasaun ne’e fahe ba parte rua parte dahuluk iha ITS Surabaya no parte segundu iha Udayana Bali.
Iha parte dahuluk ekipa konsege hasoru malu ho Vise Reitor I Institut Teknologi Sepuluh Nopember Surabaya Prof. Dr. Ir. Heru Setyawan MEng , Deputy Director of International Office for Admission & Mobility ITS Dr. Maya Shovitri ho ninia ninia ekipa iha retorat ITS Surabya hodi ko’alia kona-ba kooperasaun entre universidade ho FDCH rasik.
Iha oportunidade ne’e ekipa monitoriazaun konvida mós empreza Seguru da Vida (Asuransi) Takaful hodi halo diskusaun ho estudante sira kona-ba oinsá empreza ne’e bele fó asisitensia ba sira bainhira sira hetan moras durante sira hala’o sira ninia estudu.
Hafoin remata tiha diskusaun ho vise reitor ekipa konsege halo monitorizasaun ba dahuluk hodi hasoru malu ho xefe departamentu no dosente sira tuir area estudu ne’ebé bolseiru sira hili.
Iha ITS bolseiru FDCH nian hala’o sira ninia estudu iha área 10 hanesan Teknik Perkapalan ema na’in 6, Teknik Transportasi Laut ema na’in 3, Teknik Kelautan ema na’in 2 Matematika ema na’in 1, Teknik Elektro ema na’in 1, Teknik Biomedik ema na’in 5, Teknik Mesin ema na’in 3, Teknik Industri ema na’in 7 Teknik linkungan ema na’in 6 no Teknik Geofisika ema na’in 8. Hafoin remata tiha monitorizasaun iha Surabaya ekipa kontinua fali monitorizasaun iha Universidade Udayana Bali hodi hasoru malo ho reitora Udayana Bali Prof.dr. AA Raka Suderwi ho ninia ekipa iha rektorat Udayana Dempasar.
Remata tiha hasoru malu ho reitora ne’e ho ninia ekipa, ekipa monotiziasaun kontinua kedas hasoru malu ho dosente ne’ebé hanorin estudante sira no dekanu fakuldade Medisina Veterinaria hodi haree progresu estudu bolseiru FDCH nian ne’ebé mai hosi Kombatetentes no Veteranus nian oan hamutuk na’in sanulu (10) ohin loron hala’o daudaun sira ninia estudu iha área ne’e.
Hafoin remata diskusaun ekipa monitorizasaun ne’ebé akompaña mós hosi adida edukasaun Timor-Leste nian ba Indonesia, Brigida Coreira ho ninia asisténsia halo vizita mós ba laboratorium fakuldade Medisina no Veterinaria nian hodi haree besik ekipamentus ne’ebé estudante sira uza iha tempu pratika. Alende halo monitoriazaun ekipa ne’ebé dezloka ba Indonézia ne’e hosi mós ekipa Media no Relaçoes Publicas hodi halo mós entrevista ho reitór sira hosi Universidade no est8udante sira hodi kompleta programa revista universidade ne’ebé ohin loron prosesa hosi departamentu Media no Relaçoes Publicas FDCH. (Media FDCH)