Díli, 15 Juñu 2022. Diretór Ezekutivu Fundo de Desenvolvimento do Capital Humano (FDCH) Dr. Cristovão dos Reis ho Prezidente Konsellu Administrasaun Aeroportu no Navegasaun Aérea Timor-Leste (ANATL, EP), Sr. José Trindade da Cruz Pinto, akompaña hosi diretór sira ofisialmente halo anúnsiu ba públiku kona-bá vaga bolsa estudu ba timoroan na’in neen (6) ne’ebé sei ba hala’o estudu iha Politeknik Penerbangan (Poltekban) no Sekolah Tingi Penerbangan Indonesia (STPI).
Anúnsiu ofisiál ne’e hala’o liuhosi konferénsia Imprensa ne’ebé halo ho Média nasionál sira iha Sala Very Important Person (VIP) Aeroportu Internasionál Prezidente Nicolau Lobato, Comoro.
Programa bolsa estudu ne’e ANATL,EP realiza tanba hetan atribuisaun pakote orsamentu hosi FDCH ho montante $31,233.00 ba programa bolsa estudu nian iha tinan 2022.
Aleinde bolsa foun, iha tinan 2019 ANATL, E.P. servisu hamutuk ho FDCH rekruta tiha ona Timor oan nain 6 (neen) ne’ebé daudaun ne’e hala’o hela sira ninia estudu iha iha Politeknik Penerbangan (Poltekban) Indonézia no sei gradua iha tempu besik, tanba ne’e kontinuasaun ba programa ne’e iha tinan ne’e 2022 ANATL hetantan orsamentu husi FDCH hodi kontinua implementatan bolsa estudu ho vaga neen (6) ba area aviasaun nian hanesan, 1. Gestão do Aeroporto/Airporto Management (Operasões Aeroportoarea ho Aviation Security), 2. Bombeiros do Aeroproto (Aiport FireFingting) .
Boseiru hirak ne’e ANATL investe nu’udar meius ida hodi prepara rekursus umanus nasionál ne’ebé atu koloka sira hodi hala’o servisu iha Aeroportu Internasionál Prezidente Nicolau Lobato, Aeroportu Suai no aeroportu sira iha Timor laran tomak, hafoin sira termina sira ninia estudu.
Selesaun ba kandidatu sira sei hala’o ba faze tolu hanesan (1. Simu no selesaun dokumentus ne’ebé sei hala’o hosi ekipa traballu ne’ebé kompostu hosi ANATL, FDCH-MESCC, (2. Ezame eskrita sei hala’o hosi ekipa ANATL, FDCH-MESCC no Poltekbang no STPI ho tipu matéria Test Potensi Akademi (TPA) no faze ikus liu mak (3. Entrevista ne’ebé sei halo direita hosi Poltekbang ho STPI no sei observa hosi ANATL, FDCH-MESCC hodi garantia transparénsia.(*)