Díli,25 Outubro 2021. Diretór Ezekutivu Fundo de Desenvolvimento do Capital Humano (FDCH) Sr. Hermenegildo da Silva, akompaña husi Vise Prezidente I Konsellu Ezekutivu Instituto Nacional Ciência e Tecnologia (INCT) Dr. Valentim Ximenes   no Diretór Nasionál Estatistika, Sr. Silvino Lopes ofisialmente halo lansamentu ba programa Estudu Avaliasaun ba servisu FDCH etapa II 2015-2020, iha salaun Knowledge Center Palacio do Governo.

Estudu Avaliasaun daruak ba Rezultadu no Impaktu Programa FDCH 2015-2020 ne’e sei hala’o husi INCT no hetan mós tulun husi Diresaun Nasionál Estatistika.

Iha diskursu Diretór Ezekutivu FDCH Sr. Hermenegildo da Silva  hatete ho lansamentu ne’e atu hatudu ba públiku no públiku  bele hatene katak ita halo buat ruma ne’ebé iha ligasaun ho atividade avaliasaun ba programa FDCH nian ne’ebé servisu hamutuk ho INCT no Diresaun Jeral Estatistika tanba ne’e aban ba oin peskizadór sira sei hakat ba instituisaun akreditadu sira ne’ebé benefisia ba programa FDCH hodi halibur informasaun husi benefisiariu sira.

Diretór Ezekutivu FDCH Sr.Hermenegildo da Silva, Vise Prezidente I Konsellu Ezekutivu INCT Dr. Valentim Ximenes, Diretór Nasionál Estatistika, Sr. Silvino Lopes, koordenador sira FDCH ho peskizador sira.

Vise Prezidente I Konsellu Ezekutivu INCT Dr. Valentim Ximenes hatete hafoin liu tiha prosesu naruk idaohin intuituisaun rua konsege lansa peskiza konjunta entre instituisaun rua no husu ba peskizadór sira atu impletemta matenek ne’ebé antes ne’e peskizador sira hetan ona iha formasaun.

Peskizador hamutuk na’in 40 ne’ebé ho pozisaun Asistente Tékniku ne’e sei ajuda peskizadór senior na’in rua hodi halibur dadus no informasaun sira realsiona ho estudu no avalaisaun ba servisu FDCH nian etapa II 2015-2020 nian.

Partisipa iha lansamentu ne’e, Koordenadór sira husi FDCH peskizadór sira no ekipa tekniku husi FDCH no INCT.  (Media_FDCH)

Related Post :


Total Viewer : 1467 Views || Category: Notisia