Governu ukun ho vizaun estratéjika ida, katak investe ba iha rekursu umanus, iha infra-estrutura nian, iha dezenvolvimentu agríkola no rurál, dezenvolvimentu setór privadu no iha promosaun investimentu esternu. Só ho vizaun ne’e, ita bele dezenvolve polítika ida husi kreximentu ekonómiku ne’ebé permite kriasaun empregu ne’e bele aumenta rendimentu no hamenus dependénsia ba rai-liur sasan esensial, hadia mós prestasaun servisu ne’ebé esensiál ba populasaun no Jere ho matenek no hatu’ur lolo’os rekursu sira.
Liuhosi politika VIII Governu Konstituisionál, kontinua konsidera nafatin hodi aloka orsamentu ba FDCH hodi finansia ba Instituisaun ka linas Ministeriais sira. FDCH finansia programa 4 (ha’at) hanesan formasaun profisionál, teknika, bolsas estudu no tipu formasaun seluk. Formasaun ne’ebe fornese tenke alina hó objetivu Instituisaun sira, liu-liu ba dezenvolvimentu kompetensia umana hanesan konesementu, abilidade, no hadia atitude. Tanba ne’e tinan fiskal 2019 aloka orsamentu hó total hamutuk USD 20,000,000.00 hodi finansia projetu total hamutuk 382.
Fundo de Desenvolvimento do Capital Humano (FDCH) nia papel importante mak haktuir objetivus Fundo alinea (d) hateten katak “Promove transparénsia no responsabilidade liu husi mekanizmu no prosedimentu ba sistema relatóriu no prestasaun orsamentu kona-ba prosesu ezekusaun programa formasaun no projetu dezenvolvimentu ba kapitál umanu”.
Hó nune’e, tuir Decreto-Lei N.˚ 13/2020, 15 Abril, seksaun II, artigo 11.˚ kona – ba kompetensias Diretora Ezekutiva alinia (h) ko’alia espesifikamente kona-ba monitora programa, projeitus no atividade hotu-hotu ne’ebé finansia husi FDCH.
Objetivu husi monitorizasaun ida ne’e maka Atu hatene kona ba projetu ka atividade nia ezistensia Atu verifika no monitoriza implementasaun programa no atividade sira tuir planu; Atu sukat kona-ba kualidade no kuantidade benefisiariu sira nian husi programa ne’ebe hetan ona finansiamentu; Atu monitoriza lala’ok servisu hosi instituisaun projeitu nain sira nia servisu atu halo levantamentu ida kona-ba kondisaun instituisaun ka fornesedor bá formasaun nia kualifikasaun no akreditasaun.
Haree ba objetivu husi monitorizasaun ne’e rasik mak Secretariado Tecnico do Fundo de Desenvolvimento do Capital Humano (ST-FDCH) konsinte katak importante tebes atu kontinua halo monitorizasaun ba formasaun sira ne’ebé maka la’o dadaun no ne’ebé mak hetan finansiamentu husi Fundo. Nune’e maka ST-FDCH orienta teknika sira hodi tun direita ba iha terenu nune’e atu bele haree, observa no akompaña direitamente prosesu no lalaok formasaun sira.
Formasaun sira ne’e hotu organiza husi Liña Ministerial sira mak hanesan INAP ne’ebé área formasaun mak hanesan Jestaun Eskritoriu, Jestaun Lideransa Tekniku, Formasaun Protokolu no S.O.P, formasaun husi INAP sira ne’e realiza iha Munisipiu Baucau, Lautem, Manatutu, Manufahi, Aileu, Covalima, Ainaru, Liquisa no Dili enkuantu PJR ho nia área formasaun mak hanesan formasaun tramitasaun enkeritu no realiza iha Munisipiu Baucau no Covalima.
Entertantu Orsamentu ne’ebé fundu aloka ba iha INAP ho montante 77.629.05 no orsamentu ne’ebé aloka ba iha PGR ho montante 5.504.5 (Media-FDCH)