Kriasaun ba Fundu ida ne’e haree liu ba nesesidade kapasitasaun no dezenvolve rekursus umanus nasionais bazeia ba nesesidade Timor-Leste nian, ne’ebé permiti investimentu ida ne’ebé sériu no adaptadu, ho posibilidade hodi planeia, jere no ezekuta programas plurianuais, nesesidade ida ba dezenvolvimentu programas formasaun ba durasaun ne’ebé naruk no kontinuidade ba programa sira iha tinan ne’ebé naruk.

Atu kapasita rekursu umanu nasionais ho nune’e maka Governu Timor-Leste haruka ona timoroan lubuk ida maka ba hala’o estudu tantu iha rai laran no mós rai liur. Hafoin termina estudu timoroan lubuk ida dadaun ne’e fila ona no balun hetan ona servisu no balun sei kontinua hodi buka servisu, nune’e maka FDCH mai ho programa ida ne’ebé hanaran Estajiu profesionál ne’ebé maka ho nia objetivu prinsipál husi programa ne’e mak atu lori graduadus sira ba iha merkadu traballu hodi bele manan esperiénsia no aplika matenek ne’ebé sira iha, nune’e bele harii konfiansa ba sira nia án nomós hametin relasaun entre graduadus ho empregador sira. Molok taka ninia diskursu Sekretáriu Ezekutivu salienta liutan katak programa estájiu professional la’os foin mak akontese iha Timor-Leste maibé nasaun hotu-hotu aplika mós programa hanesan, tanba tuir nia programa estájiu profisional mak nuudar dalan atu halo ema bele hetan servisu lalais.Ministério Ensino Superior, Ciênçia e Cultura (MESCC) liuhusi Fundo de Desenvolvimento do Capital Humano (FDCH) iha loron 4/10/2019 halo lansamentu programa Estájiu Profisionál ba bolseirus graduadus ne’ebé finansiadu husi FDCH no lansa iha  salaun Ministério Solidaridade Social e Inclusão (MSSI).

Koordenador GAGESI-FDCH Sr. Henrique do Rosario ne’ebé núdar responsavel ba Programa Estajiu Profesionál haktuir katak programa Estajiu Profesionál ne’e núdar programa kontinuasaun husi programa estajiu profesionál ne’ebé MESCC no FDCH lansa iha tinan 2019 liu ba.

“ programa estajiu profesionál ida ne’e núdar programa kontinuasaun hafoin lansa tiha iha tinan 2019 liu ba iha salaun MSSI, no hahú iha loron lansamentu to’o oras ne’e dadaun FDCH konsege ona fasilita Bolseirus Graduadus hamutuk ema nain 237 hodi halo estájiu iha instituisaun governu, Universidade Nasionál Timor  Lorosa’e, NGO sira inklui Kompaña privadu sira balun”. Haktuir Koordenador GAGESI-FDCH Sr. Henrique do Rosario

Entretantu Bolseirus Graduadus sira ne’ebé ba hala’o estájiu profesionál ne’e sei la hetan saláriu maibé sira sei hetan deit mak insentivu hodi fasilita sira. Durasaun ba estajiu profesionál ne’e rasik sei la’o durante fulan ne’en nia laran. (Media_FDCH)

Related Post :


Total Viewer : 4788 Views || Category: Notisia