Díli, 03/09/2020, Fundo de Desenvolvimento do Capital Humano (FDCH) konvoka enkontru ida ho inan aman bolseiru Kombatentes no Veteranus nian oan na’in 42 ne’ebé hala’o hela sira ninia estudu iha Institut Teknologi Sepuluh Nopember Surabaya (ITS) Indonézia, iha Auditorium Arquivo Muzeu Resistencia.
Objetivu husi enkontru ne’e atu fahe no relata progresu estudu no dezafiu bolseiru sira nian ba inan aman sira tanba ohin loron bolsirus hirak ne’e tama ona ba semester VI-VII, no relasiona ho prorogasaun surtu COVID -19 bolsierus hirak ne’e maioria mak fila ona mai iha Timor-Leste.
Enkontru ne’e rasik loke husi Diretora Ezekutiva FDCH Sra. Leila Carceres dos Santos ne’ebé akompaña husi Koordenadór no Xefe Departamentu sira FDCH nian.
Durante enkontru koordenadora GAFRHI Sra. Josefina Goncalves do Nacimento aprezenta mós valor kada estudante bolseiru sira ba inan aman no dezafiu sira ne’ebé bolseiru sira enfrenta relasiona ho prorogasaun surtu COVID-19.
Bolseirus Kombatentes no Veteranus nia oan hamutuk na’in 42 ne’e nudár benefisiariu ba programa bolsa estudu FDCH nian ne’ebé sira dezloka ba hala’o estudu iha Institut Teknologi Sepulu Nopember Sura Baya (ITS) iha tinan 2017.
Aléinde halo enkontru ho FDCH, inan aman sira akompaña mós enkontru ho Direktur Kemitraan Global ITS Sra. Dra. Maria Anityasari, Ph.D ho Xefe Departamentu sira iha area estudu ne’ebé timoroan hirak ne’e hala’o sira ninia estudu ba liu husi aplikasaun Zoom (zoom meeting).
Hafoin termina enkontru FDCH entrega mós valor bolseiru sira nian ba inan aman hodi nune’e inan aman mós bele hatene oan sira nia valor oinsá no husu ba inan aman sira atu enkoraja no motiva liután oan sira atu hala’o sira ninia estudu to’o remata.(Média_FDCH)