DILI, 27/2/2017(FDCH) Fundo de Desenvolvimento do Capital Humano (FDCH) hahú loke vaga bolsa estudu ba Kombatentes no Veteranus nia oan hamutuk na’in 52 atu ba hala’o estudu iha area Medicina Veterinária no Engenharia nian iha Indonézia.
Secretário executivo FDCH, Isménio Martins da Silva hatete programa bolsa estudu dahuluk ne’e realiza hafoin hetan tiha aprovasaun iha dia 3 de Outubru 2016 husi Conselho de Administracão ba Fundo do Desenvolvimento do Capital Humanu ne’ebé kompostu husi SE, Kay Rala Xanana Gusmão Ministro do Planeamento e Investimento Estratégico (MPIE ) ne’ebé hanesan mós Prezidente Konsellu Administrasaun FDCH no mós nia membru permanente nain lima hanesan Ministra das Finanacas , Ministru da Educação, Ministru Justiça, Ministru Petroliu no Recursus Minerais no Secretario Estadu Polítika Formasaun Profesionál no Empregu SEPFOPE.
“Bazeia ba kompeténsia ne’ebé atribui ba konsellu adeministrasaun FDCH iha artigu 4 decretro lei númeru 12/2011 23 de Marsu, alteradu no republikadu ho Dekretu-Lei no 11/2015, 03 de Juño deside ona katak liu husi FDCH sei loke vaga ba programa bolsa estudu ba iha rai liur ba de’it Kombatentes no Veteranus nia oan, haktuir mós decreto lei númeru 30/2008 13 de Agostu kona-ba rejime de atribuisaun bolsa estudu no estrangeiro no mós mandatu ne’ebé atribui ba sectreatario FDCH/MPIE haktuir iha pontu 2 artigo 11 iha diploma ministerial númeru 9/2011, 13 de Abril ne’ebé koalia kona-ba bolsa estudu no formasaun iha estranjeiru,”dehan Secretario Executivo Isménio Martins da Silva iha joint conference ne’ebé hala’o hamutuk ho diretór sira husi Ministerio Edukasaun, Ministerio Solidariedade Sosial no Ministrio Agrikultura e Peskas
Secretario Executivo ne’e reforsa tan katak programa bolsu estudu ba Kombatentes no Veteranus nia oan ne’e hetan mós aprovasaun husi Parlamentu Nasionál no promulga husi Prezidente da Republika ba Orsamentu Jeral Estadu 2017 hakerek iha orsamentu livru númeru 6 ba fundu espesiais FDCH nian, haktuir iha despacho ministerial númeru 1/MPIE /I 2016 ne’ebé publika iha Jornal da Repúblika no asina husi Ministru MPIE Kay Rala Xanana Gusmão .
Entretantu kritéria ne’ebé aplika ba kandidatu bolseiru tenke Kombatentes no Veteranus nia oan rasik ne’ebé ho tinan mínimu 17 no másimu 30, tenke aprezenta mós fixa Veteranus husi MSS nu’udar Kombatentes no Veteranus nia oan no iha valor di’ak iha sertifikadu ikus Ensinu Sekundariu nian liu-liu iha Siénsia Naturais (IPA)
Universidade ne’ebé bolseru sira atu ba hala’o sira nia estudu ba mak Institutute Teknologi Sepuluh November Surabaya (ITS) ne’ebé sei simu Kandidatu Bolseiru na’in 42 (haat nulu resin rua) atu ba hala’o estudu iha área Engenharia no Universidade Udayana Bali sei simu kandidatu bolseru na’in 10 atu hala’o ninia estudu iha area Medicina Veterinária ho grau lisensiadu.
Iha área Engenharia nian bolseru sira sei hala’o estudu iha area Matemátika, Estatístika, Engenharia Mekániku, Engenharia Elétrika, Engenharia Químika Engenharia Fízika, Engenharia industrial, Engenharia ba materiais no metalurgia, Design Industrial, Planeamentu Urbanu no regional, Engenharia ba Konstrusaun Naval, Engenharia ba sistemas Construsaun Naval, Engenharia Naval no Transporte Marítimo.
Hahú iha loron 2 Marco to’o 3 Abríl FDCH sei simu dokumentus husi aplikante sira ne’ebé iha interese ba vaga bolsa Estudu refere.
Entretantu kandidatus bolseiru sira ne’ebé mak sei liu faze selesaun dokumentus sei tuir “Test Potensial Akademik” (TPA) no Entrevista. Ekipa juri sira sei mai husi universidade rua hanesan Institutute Teknologi Sepuluh Nopember Surabaya (ITS) no Universidade Udayana Bali. Alende ne’e kandidatus selesionadu nain 52 rua sei hetan bridging course iha ITS no Udayana durante fulan 3 molok hahu ano akadémiku 2017.(Media FDCH)