Díli-27/10/2018 Sekretáriu Ezekutivu Fundo de Desenvolvimento do Capital Humano (FDCH), Sr. Isménio Martins da Silva halo aprezentasaun orsamentu 2019 FDCH nian ba Komisaun Revizaun Orsamentu Polítika (KROP) iha Salaun Ministériu Finansas Ai-Tarak laran.

Iha okaziaun aprezentasaun Planu Orsamentu 2019 FDCH nian ba KROP akompaña mós hosi Ministru Ensinu Superiór, Siénsia no Kultura S.E. Sr. Longuinhos dos Santos MM.

Sekretáriu Ezekutivu FDCH Sr. Isménio Martins da Silva hatete proposta inisiál orsamentu FDCH nian ba tinan 2019 hamutuk millaun $23 maibé iha Alokasaun pakote orsamentu ba Orsamentu Jerál Estadu (OJE) 2019, FDCH nian iha de’it millaun  $20 tanba ne’e rekomenda ba KROP atu tetu nune’e bele mantéin nafatin orsamentu proposta inisiál ne’ebé FDCH submete ona.

Montante refere sei finansia programas liñas Miinisteriais no instituisaun akreditadu estudu nian hamutuk 53 liuhosi programa prinsipál haat hanesan Formasaun Profisionál, Formasaun Téknika, Bolsa Estudu no Tipu Formasaun seluk.

Komisaun Revizaun Orsamentu Polítika (KROP) ne’e prejidi direita hosi Primeiru Ministru S.E. Sr. Taur Matan Ruak ne’ebé akompaña hosi membru governu sira hanesan Ministra Finansas Intereina  S.E. Sra. Sara Lobo Brites,  Ministru Reforma Lejizlativa no Asuntus Parlamentares S.E. Sr. Fidelis Manuel Leite Magalhães, Ministru Agrikultura no Peskas S.E. Sr.  Joaquim José Gusmão dos Reis Martins, Ministru Obras Publikas  S.E. Sr. Salvador Soares dos Reis Pires no Sekretáriu Estadu ba Igualdade no Inkluzaun Sosiál S.E. Sra.  Maria José da Fonseca Monteiro de Jesus.

Akompaña Sekretáriu Ezekutivu FDCH iha aprezentasaun ne’e Asesora Teknika FDCH, Sra. Ana Paula Dos Santos, Koordenadóra GAFRHI-FDCH Sra. Leila Carceres, Kordenadór GAPPEFIV-FDCH Sr. Filomeno dos Saantos Lay, Koordenadór GAGESI-FDCH. Sr. Henrique do Rosario, Jurista FDCH Sra. Estefania Correia, Xefe Departamentu DESTI Sr. Ivo Juvito B. Belo no Xefe departamentu DEPPEFIV Sra. Maria Rosa S. Pinto.(Media FDCH)

Related Post :


Total Viewer : 2912 Views || Category: Notisia