DILI, 13/9/2017 (FDCH) Fundo de Desenvolimento do Capital Humano (FDCH) simu ekipa delegasaun ida hosi Países Africanos de Língua Oficial Portuguêsa E Timor-Leste (PALOP/TL) liuhosi Institute Gestão Economica Financeira (IGEF) hodi ko’alia kona- ba formasaun espesífiku iha lian Portugés ba timoroan sira.
Enkontru ne’e hala’o iha Salaun Knowledge Center eis Edifísiu Ministériu Finansas Palácio do Governu edifísiu no 5 ne’e partisipa hosi ekipa delegasaun kompostu hosi Sr. Antonio Manuel, Sr. Fausto de C. Simões no Sra. Natalea Ribeiro.
Entretantu hosi FDCH partisipa direita hosi Secretario Executivo Sr. Isménio Martins da Silva, konsultora téknika Sra. Ana Paula dos Santos peskizadór FDCH, Dr. Afonso de Almeida, koordenadóra GAFRI Sra. Leila Carceres, koordenadór interinu GAPPEFIV Sr. Filomino Lay no Jurista FDCH Sra. Estefânia Correia da Silva.
Durante enkontru parte rua halo diskusaun foka liu ba area formasaun ba jestaun, ekonómika finanseira no husi PALOP sujere ba FDCH atu tau prioridade mós ba formasaun sira ne’e ho lian Portugés, tanba lian Portugés nu’udar mós lian ofisiál nasaun foun ne’e nian.
Iha okaziaun ne’e parte PALOP propoin atu servisu hamutuk ho FDCH hodi bele fó formasaun espesífiku iha lian Portugés ba timoroan hotu-hotu. (Media FDCH)