Turim- 1/06/2018, Akademia kona-ba “Trabalho Digno” sai hanesan tópiku importante ba formasaun ne’ebé maka hala’o durante semana ida iha Cidade Turim, Itália, iha pavilhão piemonte, Centro Internacional de Formação-Organização Internacional de Trabalho nian,  hahú husi loron 28 Maiu 2018 to’o 1 Juñu 2018.

Objetivu prinsipal husi akademia refere maka atu fahe pensamentu global no tendénsia ne’ebé resente liu kona-ba futuru traballu. Ho foku espesial husi Estadus-Membrus CPLP nian, akademia ida ne’e hanesan mós oportunidade ida hodi analiza situasaun atual ho mudansa ne’ebé lalais liu iha merkadu traballu no diskute solusaun sira ba dezafius ne’ebé urjente liu. Objetivu seluk  husi akademia ne nian maka reforsa lasu no rede kooperasaun no kolaborasaun entre Estadus-Membrus CPLP nian iha ámbitu Kooperasaun Sul-Sul Triangular (CSST-sigla iha Português) liu husi koñesimentu ba instrumentus, mekanismus no metodolojia ne’ebé permiti lansamentu no implementasaun ba inisiativas no projetus CSST nian.

Akademia ida ne’e halao iha lian português ho partisipasaun husi entidades husi Governo, Sindicatos dos Trabalhadores no Entidade Empregadora ne’ebé mai husi nasaunCPLP, hanesan, Portugal, Cabo-Verde, Angola, Moçambique, S. Tomé e Príncipe, Brasil, Timor-Leste no Guiné Equitorial.

Timor-Leste representa husi Fundo de Desenvolvimento do Capital Humano (FDCH) ho prezensa husi Sra. Leila Maria Lay Carceres dos Santos, Coordenadora do Gabinete da Administração, Finanças no Recursos Humanos Internos (GAFRHI) Secretariado Técnico do FDCH no Sra. Estefânia Correia, Técnica Jurídica do ST-FDCH, Ministério Soliedariedade Social reprezenta husi Sr. Nelson dos Santos, Chefe Departamento Segurança Social, Confederação dos Sindicatos de Timor-Leste (KSTL) representa husi Sr. José da Costa hanesan Delegado no Câmara do Comércio Indústria de Timor-Leste representa husi Sr. João Baptista Alves hanesan Vice-Presidente.

Durante loron lima nia laran partisipante sira partisipa iha sesaun ne’ebé hanaran aula magistrais em plenário, ho objetivo atu reflete ho forma inovadora, integrada no abrangente kona-ba tópicos no problemáticas ne’ebé atual relasiona ho agenda trabalho no mós objetivos desenvolvimento sustentável Nações Unidas nian.  Aula refere konta ho presença husi especialista intenacionais sira hanesan orador hodi fahe hanoin balun kona-ba tema ne’ebé maka determinado ona hanesan impacto tecnologia kona-ba mundo trabalho no mós sistemas ba protesaun sosial, prosesus transizasaun ba ekonomia verde no sustentavel liu no ikus liu mekanismus no polítikas ba igualdade género.

Além de aula magistrais em plenário, iha mós sesaun ida ne’ebé hanaran seminário ne’ebé fahe ba parte dader no parte loraik no partisipante sira iha obrigasaun atu hili tema rua ne’ebé importante ba sira. Tema hirak ne’e maka hanesan: Parte dader: Emprego jovem e os trabalhos do futuro; Direito ao Trabalho, Igualdade de Género e não discriminação; no promoção de empresas sustentáveis e solidárias. Parte loraik, ho seminário maka hanesan: proteção social e a criação de postos de trabalho estáveis e de qualidade desafios e opções políticas; formação profissional para promover a empregabilidade e a inserção dos jovens no mercado de trabalho; no como dar respostas aos desafios da formalização da economia num mercado do trabalho em transição.

Partisipante sira partisipa ho forma ativa liu husi diskusaun grupu ne’ebé maka halao durante seminário.

Além sesaun rua ne’ebé mensiona, kada grupo husi seminário ne’ebé iha, halo mós diskusaun hodi define projetu ba Cooperação Sul-Sul e Triangular (CSST). Partisipante sira obrigadu atu apresenta naran husi projetu refere inklui modalidade cooperação saida maka sei utiliza, objetivu, instituisaun patrocinadora, nasaun ne’ebé maka sei hola parte ba projetu ne’ebé iha no husi Instituisaun saida, liga mós ho objetivos desenvolvimento sustentável no duração ba realização projeto.

Akademia ida ne’e remata ho fahe sertifikadu ba partisipante idak-idak. (Media FDCH)

Related Post :


Total Viewer : 2308 Views || Category: Notisia