Díli, 13 outubru 2022, Diretor Ezekutivu Fundo de Desenvolvimento do Capital Humano (FDCH), Dr. Cristovão dos Reis  akompaña sua exelensia Ministru Ensinu Superior Siénsia no Kultura,  Sr. Longuinhos dos Santos, sekretáriu Estadu Arte no Kultura,  Sr.Teófilo Caldas, Direjenti sira husi MESCC  no Asesora Téknika FDCH partisipa iha audiénsia ho Komisaun G Parlamentu Nasionál ne’ebé trata asuntu Edukasaun, Juventude, Kultura no sidadania hodi hato’o relatóriu ezekusaun orsamentu 2022.

Iha audiénsia ne’e, sua exelensia Ministru Sr. Longuinhos dos Santos halo’o aprezentasaun jerál kona ba taxa ezekusaun orasamentu jerál estadu tinan 2022 hosi ministeriu no instituisaun tutela sira inklui FDCH. Audiénsia ne’e rasik prezide husi Prezidente Komisaun G,  Sr. Antonio Verdial ne’ebé hetan partisipasaun másimu husi deputadu sira membru komisaun G nian.

Komisaun G apresia ho servisu FDCH nian liga ba dezenvolvimentu rekursus umanu iha rai-laran no sujere atu servisu no halo koordenasaun di’ak liután ho Liña Ministeriais no instituisaun estadu  akreditadu sira hodi ezekuta orsamentu tuir planu no programa ne’ebé preve iha OJE .

Orsamentu FDCH nian ba tinan 2022 ho montante  $12,000,000.00 ne’ebé finansia ba programa prinsipál haat, hanesan Formasaun Profisionál, Formasaun Téknika, Bolsa Estudu no Tipu Formasaun Seluk, to’o ohin loron ezekusaun atuál ba orsamentu 2022 nian atinje ona 64%.

Entretantu Planu proposta OJE FDCH nian ba 2023  ho montante  $17,748,526. ne’ebé  sei finansia nafatin ba programa dezenvolvimentu rekursus umanus Timor-Leste nian liu husi programa prinsipál sira  ne’ebé FDCH iha. (Média_FDCH)

Related Post :


Total Viewer : 284 Views || Category: Notisia