Dili,10/01/2018 Secretário Executivo do Fundo de Desenvolvimento do Capital Humano Sr. Isménio Martins da Silva  halo enkontru ida ho diretór sira Ministériu Agrikultura no Peska (MAP) hodi diskute kona-ba formasaun no oferese bolsa estudu ba médiku veterináriu sira.

Enkontru ne’ebé hala’o iha Gabinete Diretór Jerál Veterinaria no Pekuaria Ministériu Agrikultura no Peskas Comoro ne’e parte rua diskute liu oinsá atu haforsa rekursu umanus liu hosi area formasaun no bolsa estudu  iha area Pekuaria no Veterianria ninian.

FDCH ninia ezisténsia atu haforsa rekursu umanus iha rai laran tanba ne’e husu ba MAP atu prepara planu tuir area sira ne’ebé prioridade hodi hatama mai iha FDCH hodi diskute hodi ajusta iha orsamentu 2018 ninian.

“Ami mai atu halo aproximasaun ho senor sira, foin atu komprende loloos situasaun loloos oinsá, tanba ami mós haree katak hosi referénsia ne’ebé iha hatudu katak tenke reforsa duni rekursu iha area pekuaria no veterinaria ninian,” hatete Secretario Executivo do FDCH Sr. Isménio Martins da Silva ba diretór sira durante enkontru ne’e.

Seceratario Executivo do FDCH mós apresia tebes ho kooperasaun Diresaun Veterinaria no Pekuaria nian ho FDCH tanba iha tinan kotuk konsege hatama ona proposta  hodi husu atu fó bolsa estudu ba timoroan hodi prepara ba rekursu veterináriu nian iha futuru.

Tanba ne’e iha tinan kotuk FDCH konsege halo ona aprovasaun no haruka ona timoroan na’in 10 ba hala’o sira ninia estudu lisensiadu iha área Medisina Veterinaria nian iha Universidade Udayana Dempasar Bali.

Durante enkontru xefe departamentu Veterinaria Dr. Felisioano da Conceição aprezenta mós katak ohin loron Diresaun Vetirania no Pekuaria ninia rekursu sei menus tebes.

Diresaun Veterinaria no Pekuaria MAP mós aprezenta mós katak moras ne’ebé rejistu iha ospitál sira  kuaze porsentu 76% afeitadu hosi animal tanba ne’e atu halo redusaun ba moras ne’ebé da’et hosi animal ne’e presiza tebes haforsa rekursus umanus hodi halo kontrolu ne’ebé di’ak ba na’an sira ne’ebé importa mai hosi rai li’ur. (MEDIA FDCH)

Related Post :


Total Viewer : 1081 Views || Category: Notisia