DÍLI, 25/09/2018 Sekretáriu Ezekutivu Fundo de Desenvolvimento do Capital Humano FDCH Sr. Isménio Martins da Silva hala’o enkontru ida ho ekipa  Scoping Mission  hosi Indonézia mai Timor-Leste atu halo diskusaun no konsulta ho instituisaun governu, instituisaun autonomu no parseiru dezenvolvimentu sira iha Timor-Leste durante loron 4 hahú hosi 24-28/09/2018.

Enkontru FDCH ho grupu ne’e realiza iha Embaixada Indonézia iha Timor-Leste, iha Farol, grupu ne’e kompostu hosi reprezentante sira hosi Economic & Political Affairs, KEMLU (Kementrian Luar Negeri), (BPS) Badan Pusat Statistik, BKKBN (Badan Kependudukan   Kekeluargan  Berencana Nasional) no  USAID Indonézia.

Objetivu hosi enkontru ne’e atu haforsa liután efetividade Governu Indonézia nian hodi jere apoiu internasionál sira liuhosi Country Partnership Strategy (CPS) no South-South Cooperation.

Sekretáriu Ezekutivu FDCH Sr. Isménio Martins da Silva hateten enkontru ne’e nu’udar parte ida atu hetan informasaun no dadus hosi FDCH nómos husu feedback ba kooperasaun entre governu Indonézia ho Timor-Leste durante ne’e.

“Atu aliña planu entre FDCH no Governu Indonézia hodi bele servisu hamutuk atu prevene duplikasaun programas no iha posibilidade hodi fahe rekursus ba dezenvolvimentu rekursus umanus,” hatete Sr. Isménio Martins.

Metas no objetivu jerál seluk hosi enkontru ne’e mak loke oportunidade ekonomia iha inkluzivu ba iha setores industrias no sst,  Boa Governasaun (Good Governance) no haforsa Sosiedade iha ASEAN.

Governu Indonézia dezde 2009 – apoiu ona Timor-Leste hodi ba tuir formasaun iha Indonézia iha area hamutuk 111 ho totál partisipante hamutuk 1000.

Scoping Mission nu’udar progama avaliasaun ida hosi Governu Indonézia hodi haree ba progama sira ne’ebe implementa iha nasaun vizinu sira.

Scoping Mission husi Ekipa Governu Indonézia aléinde hasoru  malu ho FDCH, hasoru uluk ona  ho Ministerio  dos Negósios  Estrangeiros e Cooperação  MNEC,  DPMU (Development Partners Management Unit)-MdF, Câmara do Comercio e Industria Timor-Leste (CCI-TL) no  Banco Mundial (World Bank, USAID  no  ONG Timor Aid . (Media FDCH)

Related Post :


Total Viewer : 929 Views || Category: Notisia