Dili, 14/06/2019. Sekretáriu Ezekutivu FDCH Sr. Isménio Martins da Silva akompaña husi Koordenadór GAPPEFIV Sr. Filomeno Lay, Koordenadóra GAFRHI Sra. Leila Carçeres ho Koordenadór GAGESI Sr. Henrique do Rosario hasoru malu ho Presidente Câmara do Comércio e Indústria de Timor-Leste (CCI-TL) Sr. Oscar Lima ne’ebé núdar mós Membru Konsellu Estadu no akompaña mós husi Vice Presidente CCI-TL Dr. Hernani Agostinho Soares iha Edifísiu CCI-TL Rua 30 de Agostu, No.06 ACAIT Dili, Timor-Leste.

Iha sorumutu ida ne’e Sekretariu Ezekutivu FDCH no Equipa koalia ho Presidente CCI-TL no Vice Presidente CCI-TL kona-ba posibilidade kolokasaun Estajiu Professionál iha CCI-TL no koalia mós kona-ba posibilidade oinsa FDCH bele apoiu CCI-TL iha área Formasaun nian hodi nune’e bele reforsa kuadrus CCI-TL sira.

“ Objetivu primeiru par depois ita bele aliña tok planu prioridades sira ne’e hamutuk ho CCI hodi haree tok,área saida mak ita presija hamutuk, tanba ita iha orsamentu ne’ebé que sufisiente maske labarak komparandu ho fundo infrastrututa boot liu, iha fundus iha  23 milloes deit ne’ebé kobre ministériu tomak no mós ho públiku sira liliu ho SEFOPE nia programa formasaun sira ne’e,mai tan ho ita nia bolsa estudu ba ita nia públiku sira ita nia Timoroan sira hotu,tan ne’e,maske nune’e ami hakarak para depois bele ho CCI mós ita kontinua konversa ba malu nafatin tanba 2017-2018 ho duadécimo ne’e foziadamente quaze ita labele halo,paradas lubuk ida, ne’ebé entaun ohin ita haree ho tinan ida ne’e,ami haree katak ita bele hahu fali koalia ita nia konversa agora par depois planu tok buat ruma ba 2020,Objetivu ida segundu ne’e mak depois ami sei haruka lista ida mai karik iha CCI iha departamentu sira balu mós presija ita ninia joven sira ne’ebé mak iha konesementu siénsia diak ona,sira mai ne’e sira hanesan estajiu profesional sentidu katak ami maka finansia, ita troka deit sira nia transporte ho komida deit, ne’ebé sira mai servisu nudar ita nian membru funsionariu ida mais sira mai so para aprende, ita hakarak promove sira, expose sira,para sira bele aprende liu tan para  iha moris real ne’e  traballu ne’e,mundu traballu ne’e hanusa sira bele gaña esperensia hodi nune’e abanbairua sira bele ajuda mós iha sira nia kareira ou sira mós bele kria empreza rasik wainhira sira mai aprende hamutuk ho CCI, entaun objetivu rua ne’e maka ami hakarak mai apresenta ba Sr. Presidente. Hateten Sekretariu Ezekutivu FDCH iha enkontru ne’e.

Hafoin rona tiha apresentasaun husi Sekretariu Ezekutivu FDCH nian, Presidente CCI-TL Sr. Oscar Lima subliña katak koordenasaun traballu sira nune’e importante atu tenki kontinua tanba tuir nia katak emprezariu sira presija nafatin atu aprende, no Presidente CCI-TL husu mós katak se bele formasaun sira ne’e bele karik halo mós to’o iha munisípiu sira.

Koordenasaun traballu sira hanesan ne’e hau hanoin importante e agora tanba impase poíitika ne’ebé maka halo, kuaze ita la ezekuta buat ne’ebé maka uluk ita hasoru malu  tiha ona,hau hanoin agora ne’e momentu oportunu tanba iha ona orsamentu, ami husu ba Sr. Sekretáriu Ezekutivu ho kolega sira, ho Diretór sira,bele kontaktu diretamente ho ami nian, ba ami ne’e prinsipál ne’e mak treinamentu, ida ne’e hau hanoin ho Dr. Hernani depois nia sei hato’o klean liu sa-ida mak ita presija, porque ita empresariu ne’e hanesan ita boot hateten não basta nia iha ona nia akademika maibe treinamentu sira ne’ene se bele ita boot sira selu ema ne’ebé maka apropriadu mai para atu hanorin, ami nia empresariu sira presija aprende, hau rasik hateten ba sira, dehan hau tinan barak ona mais hau aprende no aprende nungka mais atu to’o fim, tengki aprende, se ita konsege halo mós iha munisípiu diak liu, halo mós treinamentu se bele iha mós muinisipius,ami iha 13 munisipius,ne’ebé iha munisipius sira ne’e se bele ita boot sira bele kontaktu”.hateten Presidente CCI-TL Sr. Oscar Lima.

Vice Presidente CCI-TL ne’ebé partisipa mós iha inkontru ida ne’e hato’o nia hanoin kona-ba planu programa Estajiu profesional ne’ebé hato’o husi Sekretariu Ezekutivu FDCH nia no nia parte hateten katak liu husi meus Estajiu ne’e mak bele sai esperensia ida ba Estajiariu sira atu nune’e sira bele hetan esperensia nune’e wainhira sira iha ona esperensia mak kompña sira bele simu sira, no husi nia parte prontu atu simu estajiariu sira ne’e iha CCI-TL.

“ Liu husi meus ida ne’ebé mak ita halo Job Training ka Estajiu ne’ebé ita halo ne’e, sai esperensia ida ba sira para sira bele,mais ou menus sira iha esperensia mak kompañia sira bele simu sira. Maibe ita hotu hanoin katak se ita hakarak servisu hamutuk mesmu laos tanba deit finansas maibe ita nia idea ne’e ita dezenvolve an liu tan,ami koopera nafatin porque ita hakarak ne’e output deit ne’e laos koalia output maibe feadback mai ita nia rai ne’e oinsa, ita haruka ema ba eskola maibe sosial impact ne’e sa-ida, ita haree fila fali ida ne’e mak importante liu, sira mai fila fali sira mós kria,sira laos mai fila fali sira mós buka servisu maibé sira mós kria servisu, ida ne’e mak importante, entaun ida ne’e maka liu husi mekanismu sira hanesan ne’e, se ida ne’e maka ita hahu ona,ne’e diak liu”. hateten Vice Presidente CCI-TL Sr. Hernani Agostinho Soares

Atu remata inkontru ne’e Sekretariu Ezekutivu FDCH Sr. Isménio Martins da Silva hato’o mós ba Presidente CCI-TL no Vice Presidente CCI-TL atu nune’e iha tempu badak nia laran Sekretariu Ezekutivu FDCH sei manda hikas karta ba iha Presidente CCI-TL hodi haree kona-ba rezumu badak relasiona ho enkontru ida ne’e no mós kona-ba asaun tuir mai ne’e oinsa.

Hafoin sorumutu ne’e, representante ekipa FDCH akompaña mós seremonia despedida Estajiu Estudantes husi Dili Intitute of Technology (DIT) nain ne’ebé remata ona estajiu durante fulan rua iha CCI-TL.

(Media FDCH)

Related Post :


Total Viewer : 870 Views || Category: Notisia