Liquiça, 9/03/2018,  Fundo de Desenvolvimentu do Capital Humano (FDCH) lansa programa sosializasaun no konsultasaun ba Areas pontesialidade no prioridade ba dezenvolimentu rekursus Umanus ba Munisipiu inklui Reziaun Administrativa Espesial Oe-Cusse.

Serimónia lansamentu ne’e realiza iha salaun Admistrativu Munisipiu Liquiça ,  hafoin lansamentu kontinua kedas ho sosializasaun no konsultasaun ba dezenvolvimentu rekursus umanus ba area potensialidade no prioridades ba dezenvolvimentu rekursus umanus iha Munisipiu ne’e.

Secretário Executivo FDCH Sr. Isménio Martins da Silva  hateten lansamentu ba programa ne’e nu’udar parte ida atu aprezenta hikas dadus ne’ebé FDCH iha ona no kontinua husu sujestaun hosi parte relevante sira atu bele hetan dadus ne’ebé forte liu hodi ajuda governu ba dezenvOlve rekursus umanus nasaun nian.

“Objetivu ohin ami fila mai munisipiu, ami lansa programa atu identifika prioridades  ba dezenvolvimentu Rekursus umanusa munisipiu ne’e  atu aprezenta dadus ne’ebé ami rekolla no ami sei hetan sujestaun baluntan para atu bele haree ba prioridades kada munisipiu ne’e saida mak FDCH bele halo iha futuru,” hatete Secretário  Executivo FDCH Sr. Isménio Martins da Silva.

Hetan tiha dadus sira FDCH sei aprenza ba Konsellu Ministrus ba nain ulun sira liu-liu ba Ministru Dezenvolvimentu no Reforma Institusional no Primeiru Ministru,  tanba governu sempre halo politika bazeia ba evidensia.

Sr. Isménio Martins da Silva hateten atu hala’o vizaun politika estadu nian presiza iha dadus para atu hatene lolos situsaun rekursus umanus iha rai laran tanba ne’e iha 2016 hetan orientasaun polítika hosi Konsellu Ministru atravez hosi Ministeriu Planeamentu no Investimentu Estratéjiku (MPIE) ho lideransa Sr. Kay Rala Xanana Gusmão. Iha fim de 2016 halo levantamentu de Dadus ida  bolu dadus rekursus umanus ejistentes ba teritoriu tomak ba populasaun sira ne’ebé ho idade 17 ba leten .

Secretário Adjunto Administradór Munisipiu Liquiça Sr. Renato Nunes hateten eventu ne’e importante tebe-tebes tanba iha tinan rua liu ba FDCH servisu hamutuk ho MAE liu hosi  PNDS halo ona levantamentu dadus rekursus umanus  liu-liu ba potensia rekursu umanus iha munisipiu sira.

“Ita sei falta rekursu umanu tanba ne’e ohin seminariu ne’ebé halo ne’e atu edentifika katak potensia rekursu umanu hira mak ita presiza, tanba ne’e importante tebe tebes levantamentu dadus ne’ebé FDCH foti ona, maibe sei hakarak ronatan informasaun hosi ami ne’e importante tebe-tebes atu nune’e aban bainrua ita forma ema ho kualifikadu atu responde ba pontensialidade munisipiu nian ,” Hatete Sr. Renato Nunes

Liquiça potensia iha area sira hanesan Peska, Turizmu, Agrikultura kestaun mak rekursu umanus seidauk sufisiente liu-liu iha area espesifiku sira tanba ne’e presiza kapasitasaun ba rekursu sira atu nune’e bele dezenvolve munisipiu ne’e.

Entretantu papel FDCH nian durante ne’e mak koordena planu, implementasaun ezekusaun ba orsamentu Fundu Dezenvolvimentu Kapital umanu iha ambitu ba dezenvolvimentu rekursus umanus iha rai laran .

Servisu ne’ebé durante ne’e FDCH hala’o mak finansia ba area formasaun profesional servisu hamutuk ho Sekretariu  Estadu Juventude Trabllu (SEJT) no mós reforsa abilidade no mós kualifikasaun funsionáriu publiku sira aumezmu tempu fó mós bolsa estudu ba públiku timoroan sira no funsionáriu sira.

Hafoin lansa tiha progrma ne’e kontinua kedas ho sosializasaun iha Munisipiu Liquiça hodi aprezenta dadus ne’ebé rekolla ona, hafoin ida ne’e partisipante sira fahe ba grupu haat hodi deskute kona-ba prioridades dezenvolvimentu rekursus Umanus iha Munisipiu ne’e nian hodi haree ba area kualifikasaun ne’ebé presiza dezenvolve.

Partisipa iha lansamentu ne’e sekretáriu Munisipiu Liquiça administrador do Postu sira,  Diretor PNDS Munisipiu Liquiça  no diretor sira sira kada liña ministeiru iha  Munisipiu Liquiça nomós ekipa 13 ne’ebé forma hosi FDCH no PNDS ne’ebé tempu besik tun ba halo servisu iha Munisipiu sira.(Media FDCH)

Related Post :


Total Viewer : 1219 Views || Category: Notisia