Díli, 06/08/2019. Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva hala’o enkontru ho Diretór Ezekutivu Instituto de Apoio ao Desenvolvimento Empresarial (IADE) Sr. Filomeno Marcelino Belo iha Salaun Enkontru IADE Bebora, Díli.

Enkontru ne’e ho objetivu atu partilla no rona planu programa formasaun IADE nian ba tinan 2020. Durante enkontru parte IADE hato’o aprezentasaun ligadu ho programas prioridades ba formasaun nian mak hanesan; Boa Governasaun, Jestaun Institusional no Dezenvolvimentu Emprezarial ne’ebé iha programa sira ne’e konklui ona tema formasaun prioridades sira.

Hataan ba ida-ne’e Sekretáriu Ezekutivu FDCH Sr. Isménio Martins da Silva hato’o sei tau orsamentu ba programa ne’ebé IADE hato’o bazeia ba áreas prioridades no sujere atu halo kooperasaun ho instituisaun balun ne’ebé iha programa hanesan konabá negósiu nian, nune’e ba oin tuir Sekretáriu Ezekutivu katak formasaun sira konabá negósiu nian sei sentraliza deit iha IADE nu’udar instituisaun estadu nian.

Iha biban hanesan Diretór Ezekutivu IADE Sr. Filomeno Marcelino Belo hato’o ninia agradesimentu ba Fundo do Desenvolvimento do Capital Humano tanba hatudu ona prontidaun atu hatama IADE nu’udar benefisiáriu FDCH nian ba tinan oin (2020).

Marka mós prezensa iha enkontru refere Diretores no Xefe Departementu sira IADE nian inklui Koordenador GAPPEFIV-FDCH Sr. Filomeno Lay dos Santos no Xefe Departamentu Verifikasaun GAPPEFIV Sra. Maria Rosa Pinto. (Média FDCH)

Related Post :


Total Viewer : 1279 Views || Category: Notisia