Dili, 17/11/2017 (FDCH), Secretario Executivo Fundo de Desenvolvimento do Capital Humano (FDCH) Sr. Isménio Martins da Silva simu Reitor Universitas Islam Malang (UNISMA) Prof.Dr. H. Masykuri Bakri ho nia vise reitor asusntu akadémiku no kooperasaun Prof. Drs. H. Juanaidi Mistar hodi ko’alia kona-ba kooperasaun instituisaun rua iha futuru.
Iha diskusaun Secretariuo Executivo FDCH Sr. Isménio Martins da Silva apresia ho inisiativa universidade nian ne’ebé atu buka oportunidade kooperasaun iha futuru.
Maske nune’e Secretáriu Executivo hatete ohin nia parte seidauk bele deside atu estabelese kooperasaun relasiona ho governu jestaun ne’ebé seidauk bele deside buat ida no sei hato’o kestaun ne’e ba Primeiru Ministru tanba FDCH ohin loron toutela iha Gabinete Primeiru Ministru.
Entretantu Reitor UNISMA hateten ohin loron UNISMA dezenvolve daudaun hela sira ninia universidade atu buka no haforsa kooperasaun ho instituisaun sira iha rai seluk hodi dezenvolve kualidade rekursu umanus hodi kontribui ba dezenvolvimentu nasaun idak idak nian .
“Ligadu ho asuntu ne’e ami iha intensaun atu servisu hamutuk ho Fundo de Desenvolvimento do Capital Humano Timor-Leste,” hateten reitor ne’e.
UNISMA ohin loron partisipa hela iha Indonesia Education Fair ne’ebé realiza hosi Embaixada Indonesia iha Timor-Leste iha Pusat Budaya Indonesia Dili. (Media FDCH)