Dili,19/07/2019. Funsionáriu Públiku ne’ebé hala’o knaar iha Ministériu Saúde (MS) hamutuk na’in 100 remata formasaun Indusaun Jerál iha sentru formasaun INAP Comoro Dili.
Formasaun durante loron sanulu (10) ne’e organiza hosi Instituto Nacional da Administração Pública (INAP) no hetan apoiu finanseiru liuhosi Fundo de Desenvolvimento do Capital Humano (FDCH).
Durante serimónia enserramentu Sekretáriu Ezekutivu FDCH Sr. Isménio M. da Silva kongratula partisipantes no apresia ba servisu hamutuk entre INAP, MS no FDCH hodi realiza formasaun ne’e ho susesu.
Sekretáriu Ezekutivu haforsa tan katak iha futuru parte sira bele hametin liutan kooperasaun iha área formasaun sira ne’ebé relevante ho nesesidade servisu nian.
Serimónia enseramentu ba formasaun ne’e partisipa mós husi prezidente CFP Sr. Faustino C. Gomes, Diretor Geral Servisu Coorporaivas Ministeriu da Saude Sr. Vitor S. Martins, Xefi Departementu Coorporativa Formasaun Publika Sra. Florinda de Jesus, Diretor Geral INAP Sr. Agostinho L. de Jesus,no mós formando sira. (Média FDCH)