Manufahi 7/4/2018, Sekretáriu Ezekutivu Fundo de Desenvolvimento do Capital Humano Sr. Isménio Martins da Silva iha segunda feira semana ne’e partisipa abertura formasaun kona-bá identifikasaun Nesesidades no Protokolu Báziku ba funsionariu públiku  iha Munísipiu Manufahi.

Objetivu formasaun ne’e  aleinde  oinsá funsionáriu sira bele hatene métodus atu identifika nesesidade formasaun  iha munisípiu haktuir prioridades, nune’e mós funsionáriu sira ho nivel báziku no médiu  bele hatene organiza iventu no tau-matan ba serimónias importantes  iha munisípiu inklui vizitas ofisiais nai-ulun nasaun nian.

Sekretáriu Ezekutivu FDCH iha ninia Intervensaun hatete katak tópiku ba formasaun rua ne’e sei fahe kuñesimentu di’ak ba partisipante sira, liuliu ba TNA (Training Needs Analysis-red) atu futuru munisípiu Manufahi bele organiza rasik prosesu TNA ne’e.

“Formasaun rua ne’e importante liuliu TNA tanba hosi esperiénsia FDCH nian durante halo konsultasaun ba identifikasaun  prioridades no nesesidades formasaun ba setór públiku no privadu (la’ós públiku) foin lalais ne’e iha manufahi iha fulan Marsu 2018 hatudu katak funsionáriu iha Munisípiu Manufahi pelumenus responsavel Rekursus Umanus tenki iha kuñesimentu di’ak kona-bá matéria Identifikasaun Nesesidades Formasaun (TNA) hodi nune’e FDCH bele fó apiu liutan orsamentu hodi bele reforsa rekursus umanus iha munisípiu ne’e,” dehan Sr. Isménio durante ninia intervensaun.

Enkuantu formasaun ne’e marka mós prezensa hosi Diretór Jerál INAP-MAE, Administradór Munisípiu Manufahi no partisipantes hamutuk ema na’in 73 ne’ebé kompostu husi kargu xefia sira no funsionáriu nivel médiu sira. (Ekipa Media FDCH)

Related Post :


Total Viewer : 1342 Views || Category: Notisia