Díli, 15/11/ 2019, Diretora Ezekutiva Fundo de Desenvolvimento do Capaital Humano (FDCH) Sra. Leila ML Carceres dos Santos partisipa iha konferénsia internasionál ba dahuluk nian iha área TVET (Technical Vocational Education and Training) ne’ebé organiza husi INDMO (Instituto Nacional de Desenvolvimento de Mão de Obra) – SEFOPE iha Otél  Novo Turismo.

Oradór importante sira ne’ebé partisipa  hodi fahe esperiénsia no informasaun iha  konferénsia ne’e mai hosi internasianál no nasionál, husi peritus internasionál nian oradór sira mai  husi APACC (Asia Pacific Acreditation and Certification),  ILO Regional, William Angliss Institute husi Melbourne-Australia no reprezentante husi MADEC nu’udar Empregador ba SWP (Seasonal Working Program)  husi Australia hodi fó perspetiva  jerál kona-ba dezenvolvimentu Formasaun  Profisionál ligadu ho nesesidade merkadu servisu iha rai-laran no rai-li’ur, investimentu finanseira, polítika dezenvolvimentu padraun kompeténsia ba dezenvolvimentu abilidade no mós maneira hodi involve setór privadu ka empregadór ka indústria ba graduadu sira husi sentru formasaun nian.

Enkuantu oradór husi Timor-Leste mak Sr. Azevedo Marcal, PhD ne’ebé ko’alia kona-ba Planu Estabelesimentu Centro Excelência ne’ebé presiza mós FDCH ninian apoiu investimentu finanseira ba aban-bainrua.

Iha mós oradór Sr José Simão Barreto  Diretór CNEFP Tibar ne’ebé ko’alia mós kona-ba lala’ok programa formasaun profisionál no ligasaun ho indústria ba servisu.

Konferénsia ne’e rasik  ensera husi S.E. Sr Julião da Silva – Secretário do Estado SEFOPE ne’ebé agradese ba parseiru tomak inklui FDCH, no hein servisu hamutuk di’ak ba oin ho knaar foun ne’ebé Exma Sra. Leila Carceres dos Santos iha nu’udar Diretora Ezekutiva FDCH nian ne’ebé foin hahú ninian mandatu iha inísiu fulan Novembru 2019 ne’e. (MEDIA-FDCH)

Related Post :


Total Viewer : 501 Views || Category: Notisia