DÍLI, 17/03/2018, Japan International Cooperation Center (JICE) ho Japan International Cooperation Agency ( JICA ) interesantes ho sistema Dezenvolvimentu Kapital Umanu ne’ebé estabelese hosi Sekretariadu Tékniku Fundo de Dezenvolvimento do Capital Humano (FDCH).

Durante sorumutu entre parte JICE ho JICA no  Ekipa FDCH ne’ebé lidera hosi Secretário Executivo FDCH Sr. Isménio Martins da Silva hala’o iha sesta feira ne’e realiza iha fatin salaun Knowledge Center (eis edifisiu Finanasas)

Sekretáriu Executivu Sr. Isménio Martins da Silva esplika kona-ba fundu espesiais Timor-Leste nian, baze legal kriasaun Fundo de Desenvolvimento do Capital Humano – FDCH no programas Prinsipais FDCH nian hanesan formasaun Profisional, Formasaun Téknika, Bolsa Estudu no Tipu Formasaun Seluk.

Iha okaziaun ne’e Secretário Executivo FDCH aprezenta nafatin sistema baze de dadus benefisiarius FDCH nian ne’ebé hanaran BMIS (Beneficiaries Management Information System) ba ekipa ne’ebé reprezenta JICE ho JICA.

Partisipa iha sorumutu ne’e Project formation advisor JICA,  Ikumi Ogiwari, Country Officer  (JICE) Yuko Higashi no Program officer JICA Jose Ricardo.

JICE ho JICA apresia tebes ho sistema ne’ebé FDCH iha liu-liu ba programa  Beneficiaries Management Information System (BMIS) ne’ebé bele akumula dadus sira hosi benefisiariu sira ne’ebé durante ne’e FDCH finansia tanba ne’e JICE ho JICA hakarak adopta mós sistema BMIS hosi FDCH iha futuru.

Enkuantu parte rua mós diskuti kona-ba oinsa mak JICA bele fó apoiu formasaun ba funsionáriu Sekretariadu Tékniku FDCH no funsionariu Públiku em jeral.

Entretantu Governu Japonesa atraves Japan International Cooperation Agency (JICA) no Japan International Center (JICE) durante ne’e fornese tiha ona bolsa estudu no tour ka estudu komparativu ba Servidor Públiku timoroan sira ba Nasaun Japaun.(MEDIA FDCH)

Related Post :


Total Viewer : 3115 Views || Category: Notisia