DILI,5/07/2017(FDCH) Universidade Nasionál Timor-Lorosa’e ho Victoria University Australia organiza Konferesnia Internasionál  ho tema “Dalan ba Atinji Objetivu Dezenvolvimentu Sustentavel (ODS) durante loron rua 4-5/07/2017 iha Dili.

ODS nu’udar programa prinsipál ida ba  nasaun sira membru Orgnaizasaun Nosoens Unidas (ONU) hafoin hetan tiha aprovasaun unanimidade husi Estadu membru Nasoins Unidas 193 iha 2015 ne’ebé  sai nu’udar  ajenda foun ba dezenvolvimentu ne’ebé implementa iha  2016- 2030.

Ajenda prinsipál ODS ne’ebé ratifika hamutuk 17 nu’udar ajenda prinsipál atu implementa nune’e bele lori rendimentu médiu altu mak hanesan : (1.Elimina kiak 2.Eradika Hamlaha 3. Saúde ho Beinstár 4. Edukasaun ho Kualidade 5. Igualdade Jéneru 6. Bee-moos no Saneamentu 7.Enerjia moos no Asesivel 8. Traballu Dignu no Kreximentu Ekonómiku 9. Industria Inovasaun no Infrastrutura 10. Redús Dezegualdade 11. Sidade no Komunidade Sustentavel 12. Produsaun no Konsumu sustentavel 13. Asaun Klimátika  14. Proteze vida Marítima 15. Proteze vida rai-leten 16. Pás Justisa no Instituisaun Efikaz no 17. Parseira ba objetivu sira ne’e.

Secretário Executivo Fundo de desenvolvimento do Capital Humano -FDCH Sr. Isménio Martins da Silva hateten kona-ba dezenvolvimentu rekursu umanu Timor-Leste ohin loron  hahú daudaun konsetra liu husi formasaun profisional no bolsa estudu.

“Ita ko’alia politika bazeia ba evidensia ligadu ba Sustainable Development Goals ne’e ita komesa hahú ona, ita aliña  ba politika dezenvolvimentu rekursus umanus ne’ebé ita ko’alia kona-ba  kapasita ita nia funsinariu  públiku  hodi hola parte iha prosesu dezenvolvimentu no formasaun profísional ba públiku timoroan em jerál,”dehan Sr. Isménio Martins da Silva hodi hatan preokupasaun partisipante sira nian kona-ba  prepasaun rekursus umanu Timor-Leste nian.

Sr. Isménio hateten FDCH sai hanesan fundu ida atu apoiu no dezenvolve rekursus umanus iha  Timor-Leste liu-husi formasaun professional hodi prepara ba merkadu trabllu no bolsa estudu.

Sr. Isménio Martins da Silva mós husu ba entidade hotu-hotu atu lee livru ne’ebé FDCH produs ona nune’e bele iha informasaun barak liu-tan kona-ba dezenvolvimentu rekursu umanu iha Timor-Leste.

Iha loron daruak nian Secretariu Executivo FDCH Sr. Isménio Martins da Silva sai hanesan fasilitadór ba diskusaun Objetivu Dezenvolvimentu Sustentavel númeru 8 ne’ebé ko’alia liu kona-ba traballu dignu kreximentu ekonómiku no orador ba asuntu ne’e mak Asesor jeral SEPFOPE Sr. Sonio da Silva.

Konferesnia internasionál ne’ebé hala’o durante loron rua ne’e  partisipa husi matenek na’in sira husi universidade sira iha rai laran no rai li’ur liu-liu Australia, Sosiedade Sivil no  parseiru dezenvolvimentu Timor-Leste nian.

Durante konferensia ne’e partisipante no orador nasionál no internasional sira deskute maka’as oinsa bele alkansa  objetivu dezenvolvimentu hamutuk 17 ne’ebé implemeta iha nasaun sira membru Organizasaun Nosoens Unidas (ONU) ninian.(Media FDCH)

Related Post :


Total Viewer : 1016 Views || Category: Notisia