Díli, 07/10/2019, Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva halo abertura ba formasaun Project Management Professional (PMP) ne’ebé partisipa hosi koordenadores no Xefe departamentu sira hosi Secretariado Técnico Fundo de Desenvolvimento do Capital Humano (ST-FDCH) ne’ebé realiza iha Pusat Budaya Indonesia.

Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva husu ba partisipante sira atu konsentra no partisipa ho másimu iha formasaun ne’e hodi bele aumenta sira ninia koñesimentu iha area importante ne’e tanba tinan-tinan FDCH  iha ninia programa ba dezenvolvimentu rekursus umanus nian ho mínimu liu mak 300 programas.

Formasaun ne’e rasik sei hala’o durante loron lima (5) ne’ebé ho formadór ba formasaun ne’e rasik  mai hosi Telkom Corporate University (Telkom Corpu)  Jakarta.

Formasaun PMP ne’e sei hala’o iha grupo rua. Grupo dahuluk hala’o husi loron 07-11 Outubro 2019, no grupo daruak sei halo iha loron 14-18 Outubro 2109. Fatin formasaun halao hotu iha PBI – Dili.

Formasaun ne’e realiza tanba antes ne’e FDCH ho Telkomcel estabelese ona akordu kooperasaun no servisu hamutuk entre FDCH ho Telkomcel liu-liu iha area formasaun nian hodi fó kapasitasaun ba funsionáriu sira ne’ebé hala’o knaar iha Sekretariadu Tékniku FDCH.

Partisipa iha abertura ba formasaun ne’e mak VP Finance  and Human Capital Telekomunikasi Indonesia International (TL) S.A. Sr. Dedy Adward, Formador ba formasaun ne’e no fasilitador formasaun hosi Telkomcel rasik. (Média FDCH)

Related Post :


Total Viewer : 252 Views || Category: Notisia