Dili, 15/05/2018. Sekretariu ezekutivu Fundo de Desenvolvimento do Capital Humano (FDCH) sr. Isménio Martins da Silva, akompanha husi Embaixador Indonesia ba Timor-Leste Sr. Sahat Sitorus  no Adidu Edukasaun Indonesia ba Timor Leste Sr. Sedercor Melatunan, halo abertura ba iha Programa Formasaun Monitorizasaun no Avaliasaun (M&E- Monitoring and Evaluation) nivel avansado. Programa Formasaun ida ne’e partisipa husi Koordenador no Xefe Departamentu sira husi Sekretariadu Tekniku Fundo de Desenvolvimentu do Capital Humano (ST- FDCH), formasaun ida ne’e rasik  realiza iha salaun Pusat Budaya Indonesia (PBI) Dili, iha loron 14/05/2018 durante loron 5 nia laran.

Iha intervista Sekretáriu Exekutivu Fundo de Desenvolvimentu do Capital Humano (FDCH) Sr. Isménio Martins Da Silva hateten katak atu bele garanti rezultadu ida ho kualidade nomos  impaktu ida ne’ebé diak nian husi programa sira ne’ebé mak FDCH iha maka tenki iha prosesu Monitorizasaun no Avaliasaun atu nune’e bele haree husi output rezultadu husi formasaun ka bolsa estudu ne’e ninia outcome hanusa no ninia impactu hanusa.tan ne’e mak tuir Sekretariu exekutivu ne’e katak formasaun monitorizasaun no avaliasaun ida ne’e importante tebtebes ba koordenadores sira nune’e mos ba xefe departamentu sira.

“objetivu husi formasaun ida ohin ne’e halai liu ba reforsa programa Fundo Capital Humano liu husi formasaun ba iha monitorizasaun no avaliasaun, ohin ami nia koordenadores sira no mos xefe departamentu sira partisipa iha formasaun iha nivel avansadu para atu bele hatene liu tan e no mos aumesmo tempu ami reviu fali programa ne’ebé mak iha e atu bele halo aprosimasaun foun hodi garante kualidade rezultadus ba iha prosesu finansiamentu programa FDCH nian iha areas tantu formasaun profesional, formasaun tekniku profesional sira no mos ba iha bolsu de estudo”. Hateten sekretariu ezekutivu FDCH sr. Isménio Martins da Silva.

Formador ba Formasaun Monitorizasaun no avaliasaun ida ne’e mai husi  Landi Institute ne’ebé koopera mos ho sentru Formasaun Pathway Training Centre (PTC) ho formadora lokal. Landi Institute rasik iha ona parceria ka fó ona formasaun ba Liña Ministeriais lubuk ida nomos ne’ebé iha ona kooperasaun ho FDCH hodi fó asistensia formasaun ba iha Funsionariu sira inklui Koordenadores no Xefe departamentu sira Sekretariadu Tekniku Fundo de Desenvolvimentu do Capital Humano (ST-FDCH) nian.

Partisipantes iha formasaun ida ne’e maioria Koordenadores no Xefe Departamentu Sekretariadu Tekniku FDCH (ST-FDCH)  nian ne’ebé ho total hamutuk ema nain 15.Antes ne’e FDCH no Landi Institute hala’o ona mos formasaun ne’ebé hanesan ba iha grupu primeiru ho Toópiku hanesan M&E Nivel báziku ne’ebé kompostu husi partisipantes nain 7 ne’ebé mai husi mos quadro tékniku iha   sekretariadu Tekniku (ST- FDCH)  nian.Tuir Plano Formasaun monitorizasaun no Avaliasaun ida ne’e rasik sei remata iha loron 18/05/2018. (Media FDCH).

Related Post :


Total Viewer : 2464 Views || Category: Notisia