Bazeia ba Aprovasaun Sua Exelensia Ministru Ensinu Superior Siénsia no Kultura no Prezidente Konsellu Administrasaun FDCH Dr. Longuinhos dos Santos nian ba karta ho númeru referensia 220/DE/FDCH-MESCC, loron 04 Maiu 2022, ba Lista rezultadu finál Kandiatus Bolsa Méritu ne’ebé sei ba hala’o estudu iha rai Portugál tinan akadémiku 2022. Ho nune’e ST-FDCH informa ba Kandidatus Admitidus atu mai aprezenta-an iha Sékretariadu Tékniku FDCH, iha Gabinete GAGESI, hahú husi loron 6 to’o 10 fulan Abril 2022, ami sei atende ita-boot sira durante loron servisu.
Hafoin aprezenta-an kandidatus admitidus sei tuir kursu obrigatoriu ne’ebé kompostu husi komponente tuir mai:
- Komponente linguistika atu hanorin lian Portugés ba kandidatus bele uza lian iha kontextu akademiku no mós dezenvolve kompeténsia pedagojia
- Komponente akadémika atu aumenta koñesimentu kona-bá area siénsia ezata ka siénsia humana
- Kompenete transversal atu hetan koñesimentu kona-bá IT, hakerek projetu no komunikasaun.
Asesu Lista Naran Kandidatu Admitidu no Karta Aprovasaun husi Ministru MESCC no Prezidente CA-FDCH iha link ne’e http://www.fdch.gov.tl/wp-content/uploads/2022/05/LISTA-ADMITIDU-BA-BOLSA-MERITU.pdf .