Díli, 01 Jullu 2022. Ministériu Ensinu Superior, Siénsia no Kultura (MESCC- Sigla iha Portugés) liuhosi Fundo de Desenvolvimento do Capital Humano (FDCH- Sigla iha Portugés), ohin ofisilamente halo Lansamentu ba Programa Estájiu Profisionál ba Melhores Graduados hosi Universidade no Instituisaun ensinu superior sira iha rai-laran ho tema “ Promove o Emprego para os Melhores Graduados do Ensino Superior” .
Programa estájiu profisionál ne’e ofisilamente lansa husi Sua Exelénsia Ministru Ensinu Superior Siénsia no Kultura no Prezidente Conselho Administrção – FDCH, Sr. Longuinhos dos Santos MM, ne’ebé akompaña husi Diretór Ezekutivu FDCH, Dr. Cristóvão dos Reis.
Programa Estájiu Profisionál ba melhores graduados não bolseirus ne’e realiza bazeia ba diploma ministérial númeru 19/2022 de 8 de Junho Regimento de atribição de Estágios profisionais as Estudantes Nacionais com Mérito Academico.
Objetivu hosi implementasaun programa ne’e atu promove foinsa’e sira ne’ebé hetan valor di’ak liu bainhira gradua husi Universidadade no instituisaun ensinu superiór sira iha rai-laranatu hodi asesu ba merkadu servisu.
Iha implementasaun programa estájiu profisionál ba faze dahuluk tinan ne’e ho orsamentu $ 437, 500 ne’ebé sei benefisia estájiariu 445 ne’ebé sei koloka sira ba hala’o sira ninia estájiu iha instituisaun Estadu, Instituisaun Governu no Empreza públiku no privadu sira hamutuk 40, hodi hala’o sira ninia estájiu ho durasaun fulan neen (6). Durante estájiu, estájiariu sira iha direitu atu simu insentivu ka subsidiu husi Governu liuhosi FDCH kada fulan ho montante $ 150 .
Naran ba kandidatu sira estájiu profisionál submete direita husi Universidade no Instituisaun Ensinu superior sira mai iha FDCH no hetan mós avaliasaun husi ekipa Juri ne’ebé prezije direita husi diretór Ezekutivu FDCH.
Partisipa iha lansamentu ne’e Magnifiku Reitór sira, Diretór no Diretora Rekursus umanus husi instituisaun estadu no empreza sira ne’ebé sei simu estajiariu sira, Koordenadór sira iha FDCH no asesor sira, no kandiadatu estajiariu husi univesridade no instituisaun ensinu superior sira iha rai laran.