Dili, 17/01/2019, Sekretáriu ezekutivu Fundo de Desenvolvimento do Capital Humano Sr. Isménio Martins da Silva partisipa sorumutu estraordináriu dirijente sira Ministério Ensino Superior, Ciéncia e Cultura  (MESCC) nian no instituisuan sira ne’ebe tutela   ho Ministru MESCC Sr. Longuinhos dos Santos MM.  Sorumutu ne’e hala’o iha salaun enkontru Ministériu MESCC iha eis edifísiu Alfandega, Colmera.

Objetivu ba sorumutu estraordináriu ne’e atu fahe informasaun no progresu servisu sira ne’ebé halo ona iha tinan 2018 no programa sira ne’ebé atu halo iha tinan 2019.

Ministru MESCC hato’o apresiasaun no agradese ba servisu dirijente sira  tanba durante ne’e kolabora di’ak tebe-tebes ho ministru hodi lori ministériu atinje ezekusaun orsamentu ne’ebé di’ak,  maske ministériu ne’e foun no hasoru dezafiu maibé ho kolaborasaun ne’ebé di’ak hosi dirijente sira  ministériu atinje ezekusaun orsamentu ho persentajen ne’ebé di’ak.

“Ha’u fiar ba oin ita nafatin kolabora di’ak, ida ne’e mak ita kontribui ba dezenvolvimentu nasaun nian,” hatete Ministru Longuinhos dos Santos.

Órgaun sira ne’ebé depende ba MESCC maka Universidade   Nasionál Timor  Lorosa’e – UNTL, Institutu Politékniku Betanu; Institutu Nasionál Siénsia no Teknolojia, Komisaun Nasionál – UNESCO; Ajénsia Nasionál ba Avaliasaun no Akreditasaun Akadémika (ANAAA), Sekretariadu Tékniku Fundu Dezenvolvimentu Kapitál Umanu nian; Unidade ba Implementasaun Akademia Artes, Kultura no Indústria Kriativa Kulturál sira; Komisaun ba Akompañamentu Akademia Artes, Kultura no Indústria Kriativa Kulturál sira; Biblioteka Nasionál Timor-Leste  no Muzeu Nasionál Timor-Leste. (Media FDCH)

Related Post :


Total Viewer : 651 Views || Category: Notisia