Baucau.20/03/2018.FDCH Secretariádo Técnico do Fundo de Desenvolvimento do Capital Humano – FDCH servisu Hamutuk ho PNDS no MAE halo konsultasaun ba áreas Potensialidades no Prioridades ba Desenvolvimentu Rekursus Umanus (RU) iha Munisipiu Baucau.

Durante abertura ba programa refere Prezidente Autoridade Munisípiu Baucau Sr. António A. Guterres haktuir katak rekursu umanu nudar fatór  determinante ba prosesu dezenvolvimentu Nasionál, ho nune’e mak husu ba diretores setorais iha munisipiu  Baucau atu partisipa proativu iha diskusaun sira.

“ohin ita halibur hamutuk iha ne’e atu partilla informasaun ba malu konaba programa konsultasaun ba áreas Potensialidades no Prioridades ba Desenvolvimentu Rekursus Umanus iha Munisipiu Baucau, ita hotu hatene katak rekursu umanu sai hanesan fotor determinante ba prosesu dezenvolvimentu inklui iha munisipiu”. hatete Prezidente Autoridade Munisípiu Baucau Sr. António A. Guterres

Prezidente Autoridade Munisípiu Baucau hatutan tan katak rezultadu Levantamentu Dadus Rekursus Umanus Ezistentes iha tinan 2016 bele sai referensia ba munisipiu Baucau tanba ne’e utiliza dadus hirak ne’e ba necessidade iha munisipiu no husu setores hotu halo diskusaun diak hodi Identifika didiak potencialidades hodi forma rekursu umanu tuir áreas prioritarius nebe preve ona iha PDEN no PEDM.

 

Entretantu atu hetan dadus ne’ebé kredivel no kompletu hodi ajuda FDCH dezenvolve no alastra ninian planu ba dezenvolvimentu rekursus umanus iha Timor-Leste, presiza duni hetan fonte informasaun husi estrutura kuadrus Munisípais tantu husi setór públiku no’mos husi setór privadu ka não público.

 

Tanba ne’e FDCH,PNDS no MAE  hamosu estratéjia ida hodi ba fila-fali iha Munisípius inklui Baucau hodi haklean liu tan   informasaun liu husi Programa Konsultasaun ne’e.

Workshop ne’e ho métodu diskusaun fahe ba grupu lima hanesan grupu I konaba oinsa identifika Potensialidade iha Munisipiu Baucau, grupu II konaba Kapital Sosial, grupu III Deszenvolvimentu Ekonomiku, Grupu IV Dezenvolvimentu Infrastrutura no Grupu V konaba Kuadrus Institusionais.Hafoin diskusaun kada grupu halo aprezentasaun no hetan feedback husi grupu seluk.

Hafoin diskusaun no aprezentasaun grupu nian, Ekipa FDCH uza oportunidade halo aprezentasaun ba servisu Sekretariadu Tékniku FDCH liuhosi amostra Website, hodi haktuir Baze legal kriasaun FDCH,Visaun, Misaun, Estrutura, Programas Prinsipais 4 FDCH nian. Iha tempu hanesan Ekipa FDCH agradese ba partisipasaun, apoiu no kontribuisaun ideias durante workshop.

Molok remata Prezidente Autoridade Munisípiu Baucau Sr. António A. Guterres kongratula servisu Ekipa PNDS, MAE no FDCH.

Ekuantu Munisípiu Baucau iha esperansa atu hetan mós kapasitasaun  ne’ebé igual ho Linhas Ministerias ka agensia estadu seluk iha nasional nian.

Workshop  loron ida konaba  Konsultasaun ba áreas Potensialidades no Prioridades ba Desenvolvimentu rekursu Umanus iha Munisipiu Baucau ne’e hetan partisipasaun ativu husi Prezidente Autoridade Munisípiu Baucau, Administrador Postu sira, diretores setorais, ONG Lokal, Setór privadu no Estudantes estajiarius.(Media FDCH)

Related Post :


Total Viewer : 854 Views || Category: Notisia