Díli, 07/10/2020,  Orsamentu Jerál Estadu (OJE) 2020 ba Fundo de Desenvolvimnetu do Capital Humano  (FDCH) pasa  ho maioria iha diskusaun espesialidade iha Parlamentu Nasionál ho votu afavor  44,  abstensaun 19 no kontra 2.

OJE FDCH ba tinan 2020 ho montante  millaun $10 resin ne’ebé finansia programa prinsipál haat (4)  hanesan Formasaun Téknika, Formasaun Profisionál, Bolsa Estudu no Tipu Formasaun seluk.

Orsamentu ba formasaun Téknika ne’e rasik sei benefisia Funsionáriu Públiku sira ne’ebé hala’o sira nia knaar iha Liña Ministériu no  Instituisaun Estadu sira ne’ebé akredita mai iha FDCH, Formasaun Profisionál sei benefisia públiku timoroan sira liu husi SEFOPE  hodi prepara joven sira ba merkadu traballu iha rai-laran no rai-li’ur , Programa Bolsa Estudu nian sei benefisia timoroan hotu tantu funsionáriu públiku no públiku jerál hodi hasa’e sira nia abilidade iha nivel akadémiku  no  Tipu Formasaun Seluk sei finansia programa formasaun ba Instituisaun Seguransa, Defeza no Ministériu Públiku,  iha mós Liña Ministerial  balun ne’ebé ninian programa kapasitasaun  inklui mós iha tipu formasaun ne’e .

Hahú husi 2011 to’o mai ohin loron  Liña Ministerial no Instituisaun Estadu  ne’ebé akreditadu mai iha FDCH hamutuk 53 ne’ebé iha priviléjiu hodi asesu ba orsamentu FDCH hodi halo kapasitasun ba rekursus umanus iha area oin-oin tuir nesesidade instituisaun ida-idak nian. (Média_FDCH)

Related Post :


Total Viewer : 585 Views || Category: Notisia