Dili,11/01/2018 Primeiru Ministru  (PM) no Ministru do Desenvolvimento e da Reforma Institucional (MDRI) Dr. Mari Alkatiri husu atu muda metodolojia do trabalho hodi  habadak tempu para foti desizaun hodi halakon burokrasia iha administrasaun públiku.

Primeiru Ministru no Ministru MDRI  hateten  kestaun ne’e iha Reunião Consolidação e Coordenação do Trabalho Entre Primeiro Ministro e Minisitro do Reforma Institucional, Ministro do Adjunto do Primeiro Ministro   Para Asuntos de Boa Governação e Os Vices Ministro MDRI do VII Governo Constitucional com os Cargos da Direcção e Chefia   do Ministerio da Desenvolvimento e da Reforma Institucional iha salaun MOPTC Caicoli.

PM no Ministru MDRI konsidera ministériu ne’ebé ohin loron nia lidera halibur ema hotu-hotu tanba mai hosi Ministériu Infrastrutura mai hosi Ministériu Planeamentu Investimentu Estratéjiku iha VI Governu nian, no mai-tan hosi instituisaun sira seluk tanba ne’e kargu diretór no xefia sira presiza iha koordenasaun servisu ida ne’ebé di’ak.

“Ita presiza iha koordenasaun ida ke di’ak, hatudu mai katak ita tenke muda metodolojia do trabalho, habadak tempu para foti desizaun mak importante liu ba ita atu ezekuta ita nia orsamentu, habadak tempu signifika hamenus burokrasia,” hateten  S.E. Dr. Mari Alkatiri

Primeiru Ministru no Ministru MDRI ne’e husu ba kargu xefia no diretór sira atu labele lakon tempu iha kada departamentu to’o fulan ida fulan rua, fulan tolu, inspector sira nia paresér ba fali departamentu seluk lakon-tan tempu, hamenus burokrasia e au mezmu tempu, efisiénsia boot liu iha área de ezekusaun, tanba ne’e tenke iha efisiénsia boot liu iha área de ezekusaun.

Tuir Primeiru Ministru katak  dala barak kuandu responsavel ida fó despaisu depois la halo follow-up, despaisu ne’e tama gaveta  asvezes to’o fulan   tanba ne’e  mak atrazu ezekusaun orsamentál atrazu ezekusaun ba projetus tanba ne’e tenke habadak tenke fó efisiénsia efikás boot liu.

Xefe governu ne’e informa mós kona-ba aprovasaun dekretu do Governu atu fó  orientasaun ba ezekusaun orsamentu duo desimo.

“Ohin loro-kraik orientasaun sei ba  departamentu hotu-hotu , maibé ita atraza ona loloos atu ezekuta duo desimo ne’e mensal , orsamentu ne’e fulan-fulan tenke ezekuta, orsamentu ba fulan Janeiru tenke ezekuta iha fulan Janeiru, ne’e ezije mai ita disiplina boot liu atu hala’o servisu, se ita falla husik hela  la ezekuta  Janeiru hotu ona contabilisticamente  feichada, la loke ,  ita bele dehan bele  dudu ba Fevreiru mais Fevreiru  mós iha ona ninia plafond, fulan-fulan ita iha plafond, mais atu loke ita tenke fila fali ba Konsellu Ministru,” esplika Primeiru Ministru ne’e.

Primeiru Ministru ne’e husu ba diretór sira hahú husu sira ne’ebé partisipa iha ezekusaun orsamentu ninian atu estuda didi’ak regulamentu ne’ebé hatún , tanba orsamentu ne’ebé atu halo ezekusaun ba fulan Janeiru.

“Loloos dia 10 mais dia 10 liu ona dia 15 tenke hahú, CPV buat sira ne’e hotu, pagamentu buat seluk-seluk dia 15 tenke hahú, bele to’o iha dia 31 Janeiru ita bele ezekuta orsamentu Janeiru nian,” hatete Dr. Mari Alkatiri.

Iha oportunidade ne’e Xefe governu ne’e mós husu ba funsionáriu públiku profisonais sira atu labele halo polítika iha servisu fatin.

“Ha’u dala ida-tan ha’u hakarak husu Funsionáriu Públiku Profisionál, Polítika halo iha uma kuandu fila, iha servisu laran ha’u lakohi rona polítika ne’e profisionál, ha’u halo polítika, ha’u polítika, ha’u la’ós funsionáriu públiku biar nune’e bainhira hanesan Primeiru Ministru ha’u Primeiru Ministru ba ema hotu-hotu” dehan Primeiru Ministru ne’e.

Enkuantu iha Governasaun dahituk  ne’e FDCH tuteladu iha Ministériu Dezenvolvimentu Reforma Institusional – MDRI, (Media FDCH).

Related Post :


Total Viewer : 1065 Views || Category: Notisia