Estudu Avaliasaun ba Rezultadus Programas FDCH 2011 – 2014

Relatóriu ne’e aprezenta rezultadus kona-ba estudu avaliasaun  ida ne’ebé avalia produtividades no rezultadus FDCH (‘Fundo de Desenvolvimento de Capital Humano’) Timor-Leste ba implementasaun iha primeirus kuatru anus  (2011-2014).  Bazea ba abordajen métodu-mistu ne’ebé kombina dadus kuantitativus no kualitativus  diretamente husi benefisiárius no instituisones partisipantes, estudu responde pergunta: ‘FDCH mellora kualidade rekursus umanus Timór-Oan nian  iha setores estratéjikus ka lae?  Ba ida ne’e estudu konsidera formasaun no kursus ne’ebé finansiadu no konkluídus  to’o tinan 2014 remata atu nune’e bele akumula benefísius no observa iha 2015.

Bazea iha análizes dadus kolesionadus, estudu hasai konkluzaun kona-ba relevánsia, rezultadus no jestaun atividades FDCH iha 2011-2014.

Mapeamentu Rekursus Umanus 2016

Objetivu husi relatóriu ne’e mak atu apoia FDCH iha identifikasaun ba prioridade fundu iha futuru atu nune’e orsamentu bele aloka ba area sira ho nesesidade importante liu, ne’ebé limitasaun abilidade kontinua boot; no simultaneamente bele hametin distribuisaun abilidade ne’ebé ekilibriu entre liña ministeriais no instituisaun sira governu nian ba balansiu dezenvolvimentu. Objetivu prinsipal sira husi estudu ne’e mak hanesan :

  • Hala’o Atividade Mapamentu ba Rekursu Umanu hodi identifika futuru prioridade orsamentu ba FDCH iha nivel nasional no munisipiu sira ba tantu setór públiku no privadu;
  • Identifika númeru pesoal ne’ebé presiza formasaun husi FDCH iha area prioridade sira iha kada munisipiu; no
  • Rekomendasaun ba kontinuasaun nesesidade dadus hodi relata númeru pesóal mak atu hetan formasaun.