DILI, 06/09/2018 Proposta Orsamentu Jerál Estadu (OJE) 2018 ba Fundo de Desenvolvimentu do Capital Humano ( FDCH) ho montante $ 15,795,377.62 pasa iha diskusaun espesialidade iha Parlamentu Nasionál ho votus afavor 44, Abstensaun 19 no Kontra 0.
Proposta orsamentu ne’ebé Parlamentu Nasionál aprova hodi aloka mai FDCH iha tinan ne’e nian ho montante $15,795,377.62 hosi total orsamentu ne’e sei aloka ba programa prinsipál haat (4) ne’ebé FDCH iha hanesan: 1.) Formasaun Profisionál ho montante $1,525,000 2.) Formasaun. Téknika montante $434,000 3.) Bolsa Estudu ho montante $12,540,377.62 no 4.) Tipu Formasaun Seluk ho montante $1,296,000
Husi total orsamentu $ 15,795,377.62 ne’ebé aprova ne’e, durante fulan Janeiro ate fin de Agusto FDCH ezekuta ona $ 5,809,572 no restu sei ezekuta iha fulan haat (4) nia laran hahú hosi fulan Setembru to’o Dezembru 2018. (Media FDCH)