Díli, 18/10/2019, Sekretária Estadu ba Komunikasaun Sosiál (SECOMS) ho Fundo de Desenvolvimento do Capital Humano assina Memorandum Entendimentu ho Estasaun Televizaun Metro TV, Indonesia nian iha salaun enkontru Sekretária Estadu ba Komunikasaun Sosial, iha Palácio do Governu.
Estabelesimentu Memorandum de Entedimentu ne’e ho objetivu atu fó kapasitasaun ba Jornalista sira ne’ebé hala’o knaar iha instituisaun média públiku no privadu sira iha Timor-Leste
Memorandum Entendimentu ne’e assina direita hosi Sekretáriu Ezekutivu FDCH Sr. Isménio Martins da Silva ho Diretór Ezekutivu Metro TV, Sr. Mohammad Mirdal Akib no Xefe Rekursus Umanu Metro TV Indonesia, Sr. Avi Pranata, no’mos ho diretór DNDI-SECOMS Sr. Estevão da Costa Belo ho Vise Presidente Metro TV Kioen Moe, serimónia asinatura ne’e akompaña direita hosi Sekretáriu Estadu ba Komunikasaun Sosiál S.E. Sr. Merício Juvínal dos Reis “Akara”, no mós husi News director Metro TV Sr. Don Bosco Selamun, no Head of Corporate Communications Fifi Aleyda Yahya .
Iha intervensaun Sekretáriu Estadu ba Komunikasaun Sosiál S.E. Sr. Mericio Juvinal “Akara”, hatete Governu kontinua apoiu formasaun ba Jornalista sira hodi hadi’a liután servisu jornalizmu iha Timor-Leste no agradese ba servisu hamutuk entre instituisaun sira.
Nune’e mós Sekretáriu Ezekutivu FDCH Sr. Isménio Martins da Silva agradese ba kooperasaun ne’e no sujere atu memorandum de entendimentu ho Metro TV Indonesia nian nu’udar mós akordu ne’ebé bele uza mós ba instituisaun sira seluk.
Aleinde assina memorandum de entendimentu ho Metro TV Indonesia SECOMS ho FDCH assina mós memoramdum de entendimentu ho instituisaun tolu seluk hanesan, Asosiasaun Jornaslita Timor-Leste (AJTL) , Timor Leste Press Union (TLPU) no instituisaun ba formasaun lian Ingles nian Lorosa’e English Langue’s Institute (LELI). (Media FDCH)