DÍLI, 27 /09/ 2019, Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva  partisipa iha serimónia abertura ba programa “English for Jobs” ne’ebé realiza iha Centro Nacional Emprego e Formação Profisional, Becora.

Programa kursu lian ingles ba timoroan na’in 256 ne’e sei hala’o iha Centro Formasaun Becora no Centro Formasaun Tibar. Kursu ne’e realiza tanba hetan apoiu finanseiru liuhosi Fundo de  Desenvolvimento do Capitál Humano  (FDCH).

Sekretáriu Estadu Formasaun Profisionál no Empregu SEFOPE Sr. Julião da Silva ne’ebé reprezenta Ministru Koordenadór Asuntu Ekonomia (MKAE) hodi halo abertura ba kursu ne’e husu ba foinsa’e sira atu aproveita oportunidade hodi prepara sira nia án hodi asesu ba merkadu servisu iha rai-laran no mós rai-li’ur.

Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva husu ba foinsa’e hirak ne’e atu aproveita oportunidade ne’e ho di’ak hodi prepara sira nia-an atu asesu ba merkadu servisu.

FDCH kontinua servisu hamutuk ho parte hotu hodi asegura programa dezenvolvimentu ba rekursus umanus hodi lori timoroan sira asesu ba merkadu servisu iha rai-laran no rai-li’ur.

Partisipa mós  iha serimónia abertura ba kursu lian Ingles ne’e Embaixadór Indonesia ba Timor-Leste Sr. Sahat Sitorus, diretór sira hosi SEFOPE, Diretór CNEFP Becora, Diretór CNEF Tibar, formadór sira, emprezáriu timoroan balun no juventude sira ne’ebé atu tuir kursu lian Ingles.    (Média FDCH)

Related Post :


Total Viewer : 460 Views || Category: Notisia